¹Constituimus et ordinamus qui omnia persona, de qualunca gradu, istadu over conditione siat, deppiat mitteri et tenne in muda et guardia cussos boes domados, ruis armentargius qui at aver de omnia tempus. ²Et cussos qui non los ant mittiri et tenne in muda et guardia in omnia tempus pagit per dogna bolta qui ’ll’at esser acatadu soldos .xx. ³Et icussu pubillu over homini o iuargiu suo qui ad aver ad tempus de arare, over carradore qui at aver torrado alcuno iuho, deppiat sa nocte atsinare cussu iuho over iuhos qui at aver trubado cussa die ad icusso qui at esser guardianu de sos ditos boys, pro qui ’llos deressent in loghu et in parte qui non fassant damno in vingias et ortos over lavores. ⁴Et icussu pubillu over homini suo o iuargio qui ciò non at faghere paghint per dogna bolta soldos .v. et a su pubillu dessu iuho, c’at esser mortu faguendo damno. ⁵Et si non loy morret, paghit su damno ad qui ’ll’at aver fatu et issas tenturas. /34v/ ⁶Et s’est homini de dinaris over iuargiu, paghit su iuho qui s’at ochier a su pubillu et si non loy morret, paghit su damnu ad icussu qui ’ll’at aviri factu et issas tenturas. ⁷Et si ssu dictu homini o iuargiu non averit de quitheu paghare, istit im pregione infini qui at aver satisfactu sos boes et tenturas et damno c’ant aviri factos sos dictos boes. ⁸Et dae dies .xv. de freargiu siant tenudos ciaschuno qui ’llos at aver et tenne at muda et guardia de torrare·llos ad corte.

151.3.    cussu] cuʒ su
151.4     at faghere] at de faghere