¹Volemus et ordinamus qui dognia persone de qualuncha grado, istado over conditione siat, qui at aver vachas et ebbas illo‹y› depiant tenne in sas dictas vachas vachargios et in sas ebbas asones, secundo sa quantidade de ciaschuno armento et de dognia truma de omnia tempus de s’anno. ²Et qui contra fagheret depiat paghare, per dognia bolta qui at esser acatado over qui ’ll’at esser probadu non averet illoy postu bachagiu over asones secundum qui est narado de supra, paghit per dognia volta a sa camera nostra libras .ii., sos calis vachagios et assones siant tenudos et deppiant sas ditas bachas et ebbas colliri et gordare et tenne in sos montes usados, qui non siant in sa villa nen in abi‹ta›tione de arare ne de paschere bestiamen masedo, dae ssa prima die de sancto Saturro infini a dies .xv. de lampadas sas ebbas, et issas bachas infini assa prima die de treulas. ³Et tando sos vachargios et asones illas deppiant tenne in guardia, qui non intrint in pardo de hierro. ⁴Et si ’lloy intrant, siat licidu de ochire·lla gasi dessu armentu de sas vachas comenti e dessas turmas dessas ebbas una tantum per bolta. ⁵Et icussas ebbas et bachas qui s’ant ochier in sos dictos pardos siant de sos pardargios qui ’llas ant ochier, si morret dintro desso pardo. ⁶Et icussu qui non at montare su bestiamini qui at aver in guar- /35r/ dia, secundum qui est narado de supra, paghit a sa camera nostra soldos .xx. ⁷Et issu officiale comandit a su dittu pastore qui infra dies tres depiat montare. ⁸Et si non obediret et fagheret su commandamentu, deppiat·illu tenne et mandare a prexione et fassat gordare su dictu bestiamen ad ispendiu de so ditu pastore, qui at tenne in guardia et paschiri cussu predictu bestiamen de supra narrado.

153.1.    illo‹y›] illo
153.2.    abi‹ta›tione] abitione
153.2.    infini a] in fina a