/35v/ ¹Item ordinamus qui totu cussus qui ant aver crabas illas deppiant tenne over fagher tenne ad omnia tempus de su annu in su monte, qui non si acostent assas vingias et ortos et lavores et pardos, exceptu a tempus de istadi illas possant calari ass’aba, per modo et guisa qui non fassant damno. ²Et abbadas qui ’llas ant aviri et multas·illas, si mongere·illas bolent in s’abadorgiu over in domo, et poscha illas deppiant torrare a su monte, per modo qui non fassant damno. ³Et icusso pastore qui non las boleret montare dae ssa prima die de sancto Guayni paghit pro sa prima bolta soldos .x. et comandit·illu su officiale a su dictu pastore qui infra tres dies illas deppiat montare. ⁴Et si non obediret, illu deppiat tenne et mandare in pregione et fassat gordare cussu bestiamini ad ispesas de so dito pastore. ⁵Et si fagheret damno cussu bestiamini in vingias o in ortos, observet·si secundum su capitulu de supra. ⁶Et si in pardos ant esser acatados, per ciascuna volta si maxellent de pegus dus per gamma et siat de cussu qui ’ll’at maxellare. ⁷Et icussu qui at ‹aver a› maxellari et non lu maxellat pro amore o pro paura o pro atera causa qui si siat et illi at esser provadu paghit pro dognia bolta soldos .x. ⁸Et de ciò siat cretidu su accusadore a sargamentu suo et appat·inde sa tersa parte de sa condennat‹i›one su acusadore predictu.

155.5.    observet·si] proservet si
155.7.    Et icussu qui at ‹aver a› maxellari] Et icussu qui at maxellari
155.8.    condennat‹i›one] condennatone