¹Volemus et ordinamus qui ciascuno officiali de sas terras nostras in cussas contradas et villas et logos qui ant aviri at officiu depiant observare et fagheri observare sensa manchamentu sos dictos capidulos. ²Et issu maiore o officiali o curadore o maiore de villa qui s’at acatare over qui si ’ll’at provare qui in alcuno casu, actu vel parti de sas qui si contenint a sos capidulos de supra no observarint over contra fassant, siat condennado a pagare de maquicia sensa misericordia nixuna a sa corti per donia bolta qui ’ll’at esser provadu su officiali o maiori qui contra fagheret libras .x, et icussu curadore over maiore de villa qui contra fagerit libras .v. sensa misericordia nixuna. ³Et non siat preiudiciu dessas partis.