¹Constituimus et ordinamus qui si alcuno cumonargiu refudarit alcuno cumoni sensa compleri su cumoni a su tempus qui inter issos at esser assignadu et non boleret plus istari in su dictu bestiamini, su donnu de su bestiamini non siat tenudo de ’lli dari parti alcuna, si non complit su tempus de su cumoni, salvu si cussu cumonargiu mostrarit causa legittima qui non poderit istari ad compliri su dictu cumoni. ²Et si gasi mostrat legittimamenti, qui su donnu li siat tenudu de ’lli dari sa parti qui ’llis at tocari, secundu qui at aviri servidu.