¹Volemus et ordinamus qui sos asones possant tenne sas ditas ebbas intro dessu pardu in tempus qui venit ad treulari, qui sos pardargios non lis possant fagheri maxellu nen tentura mentri qui ant istari treulandu. ²Ma bolemus, in cantu su lavori ad esser treuladu, qui sos ditos asones depiant levari sas ditas ebbas foras de su ditu pardu, suta pena de ’llis maxellari et de ’llis fagher tentura.