¹Constituimus et ordinamus qui quando sos asones in tempus de treulari ant impromittiri ad alcuna persone de treulari s’ariola et lu ant ingannari, paghint cussos talis asones over asone su despendiu qui su pubillu de sa ariola at aviri factu et issos manalis qui at aviri allogadu pro sa dita ariola et paghit su damnu qui li intervenerit de su lavori et de maquicia a sa camera nostra libras .v. et siat tenudu de fagheri sa ariola de nou. ²Et in simili pena si intendat su pubillu de sa ariola quando ingannarit a su asone, qui no li lassarit treulari sa ariola.