¹Item ordinamus qui si alcunu boynargiu qui haverit bois in guardia li fuirit alcunu iuhu over boe dae sos boes qui teneret in guardia, cussu tali boynargiu siat tenudu qui su die qui ’lli at esser fuidu su dictu iuhu, over boe, qui su nocte qui at torrari lu depiat dari ad intendiri ad su pubillu de su dictu iuhu over boe qui ’lli esseret fuidu ad malavogia sua. ²Et si gasi faghit, su dictu boynargiu non siat tenudu ad pena alcuna. ³Et si gasi non fagherit, secundu de supra, siat tenudu cussu tali boynargiu de torrari su ditu iuhu over boe ad ispesas suas a su armentu dessos boes domados.