¹Volemus et ordinamus qui sos officialis nostros, ciascunu in su officiu issoro, deppiat chircari, dogna annu una bolta, su bestiamini rudi, si sunt sinnados et portat ciascunu su sinnu de sos pubillos. ²Et si ’ndi acatarit qui non esserent sinnados, qui cussu officiali over officialis lu deppiant levari cussas talis bestias qui non ant esser sinnados pro sa corte nostra, pro qui bolemus qui ciascuna bestia siat sinnada a su sinnu de su pubillu. ³Et cullu officiali qui non l’at fagheri, secundu qui in su dictu capidulu si contenit, siat condempnadu pro sa negligentia sua a sa corte nostra in libras .x.