¹Volemus et ordinamus qui si alcuna persona over personis narrit a atera persona alcuna paraula criminosa, qui cussu over cussa persone qui at narri tali paraula criminosa lu deppiat bogari in claru infra dies .viii. ²Et si in claru no lu bogat legitimamenti, siat cussa personi ad qui at esser naradu sa dita paraula criminosa, ‹si est provadu›, si est pro mayas, siat bruiadu. ³Et si esserit rufiania et provadu·si·lli est legitimamenti, paghit cussu ad qui at esser provadu a sa corte nostra de maquicie libras .xxv. ⁴Et si cussu ad qui s’at narri cussa paraula criminosa non si ’lli at provare legitimamenti infra su ditu tempus, paghit cussu qui at aviri naradu et at postu ad cussa personi cussa simili pena et siat condennadu, secundu qui in su ditu capitulu si contenit. ⁵Pro li narri mayariu, paghit libras .l. infra dies .xv. de qui at esser iuygadu. ⁶Et si non paghat, seguit·si·lli sa limba per modu qui la perdat. ⁷Et pro li narri rufianu, paghit libras .xxv.

189.2.    Et si in claru no lu bogat legitimamenti, siat cussa personi ad qui at esser naradu sa dita paraula criminosa, ‹si est provadu›, si est pro mayas, siat bruiadu] Et si in claru no lu bogat legitimamenti, siat cussa personi ad qui at esser naradu sa dita paraula criminosa, si est pro mayas, siat bruiadu