¹Item ordinamus qui quando alcuno delito over maleficiu de fura s’at faghere in habitationi, qui cussu tali maleficiu qui at esser factu si depiat dari a su cuyli qui at esser plus approbe hui at esser factu su dictu delittu. ²Et cussu depiat provari qui ’llu at aviri factu infra dies .xv. ³Et si non provat, paghit su damnu ad cui at esser factu et de maquicia a sa corte nostra libras .xv. ⁴Et simili si intendat in su ditu capitulu pro sos lavoris, quando non ant isquiri qui avirit factu su damnu; ⁵qui ’llu diant a su bestiamini qui ad esser plus adpressu de su lavori et cussu paghit su damnu qui at esser factu et simili sa tentura.