¹Volemus et ordinamus qui totus cussos qui ant aviri bestiamen domado over rude tenghant modo de guardare·llo o fagheri·illu guardare, secundu qui in sos capidulus de supra est narado. ²Et icussos boes domados et armentu de vachas domadas at aradu o covallus o ebbas o molentes domados, qui s’ant acatare in lavore nadu infini assa prima die de ienargiu, cussos pubillos dessu lavore hue s’ant acatare o armentargiu o homini suo over iurado de pardu tenere·llos at poder et presentare·llos a su maiore. ³Et per ciaschaduna dessas ditas bestias paghit su pubillu, si non las at aviri missidas in muda o in corda o in guardia, ultra cussu qui si contenit in su atteru capidulu de mitere·llos in muda, paghit soldos .vi. per dogna bolta qui acatados ant esser. ⁴Et si in muda over a corda ant esser missidos over dadus a guardia, paghint sos dictos soldos .vi. per /41r/ bestia su pastore. ⁵Et si tenne forsi su bestiamen non si at poder, ischiri ant et conoschire de qui at esser s’at poder. ⁶Et si connoschire lu ant poder, benne at assu maiore de sa villa et declarare su ditu bestiamini. ⁷Et declarado qui ’lli at aviri et denunciado, de sa quale denunciatione siat cretidu su acatadore a su sagramentu suo, ad fagheri paghare dae ssu pubillu de su bestiamen over pastores qui ant esser in culpa, secundu qu’est naradu, soldos .vi. per bestia per ciaschuna volta qui ’lloy ant esser biidos et acatadus comente et qui ’llis averit tentos, de sa quale condennatione deppiat aver et appat su acatadore sa tersa parti. ⁸Et dae sa prima die de ienargiu inante, sensa indi fagheri clamo over denunciat‹i›one alcuna inante, lu possat et depiat lensari et ochire in su lavore qui ’ll’at acatare, sensa pena, mittendo boghi o faghendo clamo de cusso bestiamen qui at aviri mortu over lensadu de presenti qui ’llu possant ischiri in sa villa o in sa habitat‹i›onne, de sa quale at esser mortu si in saltu non at poder acatare personas a qui ’llu possat declarare. ⁹Ma cussa die non passit, s’at esser hora debita, over sa seguente die, qui su ditu clamo non fassat a su maiore et a sos iurados de sa villa sa bestia over bestias de qui ant esser, qui ’llas ant cognoschere su pilamini, s’est de die. ¹⁰Et s’est de nocte, non siat tenudo a declarare pilamini, ma declarit et narit qui avirit lensadu bestiamen in su lavore qui ’ll’at aviri lenzadu. ¹¹Et si morrit intro de lavore suo over d’atiri, siat de cussu qui ’ll’at aver morto over lensadu. ¹²Et si morret foras de lavore, siat de su pubillu de sa bestia qui at esser morta. ¹³Et pro cussos pegus qui ’lloy ant esser acatados, qui non ant esser mortos et apidos que su pubillu de su lavore no los at aviri, bene qu’esserent lensados, paghit su apreciu qui at aviri fatu in su lavore su pubillu over pastore de su bestiamen a su pubillu de su ditu lavore. ¹⁴Et si at esser una bestia qui si ’lloy at acatare, cussa deppiant ochire over lensare. ¹⁵Et si ant esser plus, duas bestias per bolta et non plus.

De bestiamen rude

¹⁶Et si ad esser alcuno bestiamen rude de sos predictos qui sunt naradus in su capidulu de supra ‹qui› s’ant acatare in /41v/ lavore nadu, gosi infini a su primo die de ienargiu comenti et posca, si possat et deppiat ochire seghendo·lus dae ssu lavori, gosi foras de lavore comenti et intro de lavore,

hue los ant poder conseguire in sas aydationes de sos lavores. ¹⁷Et siant de cussos qui ’ll’ant ochire. ¹⁸Veramente qui cussu qui ’ll’at ochire deppiat fagheri clamu et denunciatione a su maiore et iuradus de cussa villa hue s’at ochier, secundu qu’est narado in su capitulu de supra de su bestiamen domado. ¹⁹Et niente de minus su pubillu de su bestiamen over su pastore qui at esser in culpa pagit su apreciu et danu qui su dictu bestiamen ad aviri fatu.

Bestiamen menudo

²⁰Et si ad esser alcuno bestiamen minudo, ciò est berbegues, porcos de gamma o cabra, qui s’ant acatare in lavore nadu, depiat esser maxellada sa gamma ogna bolta de pegus .v., s’ant esser dae .x. pegus in susu, et dae .x. pegus in gioso .ii. pegus. ²¹Et paghit su damnu ‹et› apreciu a su pobillu de su lavore su pastore.

Porchu mannali

²²Et issu porcho mannali qui si ’lloy at acatare lu ochiant et siat de cussu qui ’ll’at ochire, si morret inante de compliri a domo de su pubillu. ²³Et si ochier non lu a poder, denunciet·illu a su maiore et paghit su pubillu de su porco soldos .ii. per ciascuna bolta qui ’lloy at esser acatadu, et issu apreciu et damnu qui at aviri factu a su pubillu de su lavore. ²⁴Et siat·inde cretidu su acusadore a su sagramentu suo et appat·inde sa mesidadi de sos dictos soldos .ii. sa corte et iss’atera mesidadi appat su acusadore.

Maxellos e apressos

²⁵Et simigiantemente si intendat qui fagheri deppiant de ciaschaduno de su bestiamen, de penas, maxellos, apressos et condennationes, qui s’ant acatare avire fatu et fagherint dampnu in su lavore qui at esser portadu et misidu in ariola infini a qui ’nd’at esser levado in totu.

194.10. qui] qni
194.14. si at] siant
194.16. sunt] sundo
194.16. ‹qui› s’ant acatare] s’ant acatare
194.16. aydationes] ardationes
194.20. gioso] giosa
194.21. damnu ‹et› apreciu] damnu apreciu
194.22. si morret inante] et si morret inante
194.25. fagheri deppiant] fagherint et deppiant
194.25. de su bestiamen] de sos bestiamen
194.6.    Et si connoschire lu ant poder] Et si connoschire non lu ant poder
194.8.    ienargiu] iernargiu
194.8.    denunciat‹i›one] denunciatone
194.8.    habitat‹i›onne] habitatonne