¹Constituimus et volemus nos obviari et dari remedio a sa malicia de multus qui supta specie et colore de sa guardia de vignas, ortos et lavores non possant tenne nen damnigiare indebitamente su bestiamen domado over rude. /42r/ ²Ordinamus que nexuna persona, de qualuncha gradu, istadu over ordini siat, deppiat over presumat bestiamen alcuno miter in vignas, ortu over lavores istudiosamente pro intentione qui ’lloy siat mortu, over tentu, over levare·llu dae ssu pastu over ochire·llu in pastu pro se over pro atero, et dari ad intendere qui ’llu appat mortu over tentu in vingia over orto o lavore. ³Et icussu a qui at esser acatadu over provadu legitimamenti, et intendat·si qui siat prova legittima dae unu testimongio in suso in custu articulo tantu, non obstante qui dae subra narat qui siat cretidu a su sagramentu suo su acusadore, deppiat esser condemnadu et paghit per dogna bolta a sa camera nostra libras .xv. infra dies .xv. de qui l’at esser provadu. ⁴Et si non las pagat, siat fustighadu. ⁵Et issu simili si intendat de cussu qui at mitter in pardu de siilu over in pardu de mindas bestiamen qui at esser vedadu, ad intent‹i›one qui ’lloy esseret maxelladu, over tentu pro se over per atere. ⁶Et si cussu de qui esseret su dictu bestiamen over su pastore non poderet avere sa dicta proa et bolerent qui deberet iurare cussa persona ad qui de ciò avirit suspectu, cussa persona siat constricta a iurare qui in ciò non siat culpabili. ⁷Et si ’llu iurat, siat·indi leberadu de sa dita pena. ⁸Et si iurare non at boler qui non appat factu cussu qui su pubillu over pastore de su predictu bestiamen li at apponne, paghit sa pena qui de supra est narado et declarado.

195.R.    CXCV] CLXCV
195.1.    Constituimus] Vonstituimus
195.1.    multus] ɯultus
195.5.    intent‹i›one] intentone
195.6.    proa] pena
195.6.    siat constricta a iurare qui in ciò non siat culpabili] siat constricta a iurare et qui in ciò non siat culpabili