¹Item ordinamus qui ciaschuna persona, de qualuncha istadu o conditione siat, qui at aver vingia in castiu over per se, siat tenudo et deppiat dogni anno, sa die de sancto Quirico, ponne su venidore over castiadore o castiadores, secundo sa vingia et comente su pubillo at plachere, uno over multos qui ant ad bisongiare a su castiu over vingia at pro see ad pena de pagare, cussu qui no ’llo at a ponne, soldos .v. per homini cussus qui ant vingia in castiu. ²Et icussos qui ant vingia a per see qui ant bisongiare benidore pro see paghit soldos .vi. pro sa mala cura sua et minus prexu dessos ordinamentos. ³Et niente de minus siant tenudos infra dies .iii. de ponne so dito benidore over castiadore, ad pena de su doppiu de sa pena suprascripta. ⁴Et issos bennidores qui ant esser in sas ditas vingnas deppiant esser satisfactos inanti qui ssu fructu dessa dicta vingia inde siat leadu. ⁵Et si ciò non si fagheret, siant constrictos per sos officiales de sas villas dundi ant esser. ⁶Et si veramente sos venidores de alchunas dessas dittas vingias, in su tempus qui ’ll’at a guardare, si ’ndi partirit et in sa dicta vingia over vingias s’at fagher damnu in su predictu tempus qui si partirit, su dictu castia- /33v/ dore deppiat satisfagheri assu pubillu su damno qui ’lloy at esser factu. ⁷Et si non at de quitheu paghare, istit in pregione fini a tanto qui ad aviri satisfactu a su pubillu su danno.

146.6.    alchunas] alchunos