¹Constituimus et ordinamus qui qualunca persone de qualunca gradu, istadu, over conditione siat, non usit nen presumat levare over collire fruttura alcuna d’arbore qui siat in loghu iscongiadu contra voluntade de su pubillu, over guardianu de su predictu arbore, over arbores, ad pena de paghare, cussu qui ’lloy ad esser acatadu, over ill’at esser probadu, soldos .v. ²Et paghit sa frutura qui ’ll’at esser acatada et perdat·illa et siat·illi leada cussa propria fruttura et dadas et torradas assu pubillu dess’arbore. ³Et supra ciò paghit su damno et sa maquicia, ciò esti: ⁴si sa dicta fruttura fussi istetida leada de die paghit soldos .v. ut supra, et si esserit de nocte paghit soldos .x. ⁵Et de issa prova siat crettidu su acusadore at sagramento suo, anco qui siat su pubillo, over atera persona qui in cussa causa tantu pro beni qui siat parti, pro qui sa parte non debet fagheri testimongiu dae see istesu. ⁶Però per custa causa, bolemus qui su prescriptu capitulu appat legitimu loghu.

148.1.    pubillu] pubilln
148.1.    ad pena de paghare, […] soldos .v.] ad pena de paghare, […] paghit .ssʒ. .v.
148.4.    die] dia
148.6.    per custa causa] per in custa causa