¹Item ordinamus, pro bollere cessare multus damnos sus quales sos subditos nostros substenent per culpa et negligencia de alcunos nodayos, ordinamus et istatuimus /25r/ que ciaschuno nodayu dessu Iuygadu nostru de Arbaree siat tenudo et depiat fagheri volumen dessas cartas et stedas c’ant faghere, su quali volumen non siat ad minus de fogius .xv., in su quali deppiat faghere scrivere et notare totu sus contractus et testamentos et inventarios et incantos et ateras cartas c’ant faghere infra dies .x. poscha qui l’at aviri levadas et factas dae ssos contrahentes. ²Et in casu que alcuno nodayo contra fagherit et esseret·illi provado, pagit per ciaschuna bolta libras .v. et siat tenudo de pagare et satisfaghere su damnu et interesse a sa parti qui los susteneret pro sa ditta ocaxione. ³Et de cussu siat tenudo de faghere·‹n›de rexoni su potestade nostru d’Aristanis in su officiu suo cum tres iuygantis et issos ateros officialis in su officiu issoro dogna mese una bolta, supta sa dita pena. ⁴Et cussu apat loghu poscha c’at esser publicada et non si intendat assas cosas passadas.

123.1.    subditos] subditores
123.1.    volumen dessas cartas et stedas] volumu dessas terras et stedas
123.1.    testamentos] testamentes
123.2.    Et in casu que] Et in causa que
123.3.    faghere·‹n›de] faghere de