¹Item ordinamus qui ciaschuno curadore siat tenudo de aviri ad ispesas suas sa Carta de Loghu, cum sa quale isso et issus iuradus et iuyghantes suos si possant plenariamente informare quando esserent a sos bisognos. ²Et deppiant·illa levare dae ssa camera nostra et deppiant etiam deus oservare et fagheri totu cussu qui si contenit in sos capidulus et ordinamentos qui suntu iscriptus in sa predicta Carta de Loghu. ³Et icussu curadore a qui at esser provadu qui non avirit sa dita Carta de Logu levada et non at fagheri et observare toto cussu qui in cussa si contenit pagit a sa camera per ciascuna bolta qui ’ll’at esser provadu soldos .c. ⁴Et deppiat su ditu curadore aviri sa dicta Carta de Logu dae ssa prima die de corona de Plama ass’atera corona de Loghu de sanctu Marchu a sa dicta pena.