¹Custas sunt sas dies feriadas in sas calis comandamus qui non si depiat reer corona de Logu nen corona de chida de berrude: /27r/

²Sas dominigas de totu s’anno ‹et› sas festas de sancta Maria;

³Item totu sas festas dessos apostolos;

⁴Item totu sas festas dessus vangelistas;

⁵Item totu sas ferias dessas vignennas, ciò est dae ssa festa de sancta Maria, qui est a octo dies de cabudanni, infini a sa prima die de sanctu Gayni;

⁶Sa festa de omnia sanctu et issa festa de sus mortus;

⁷Sa festa de sanctu Martini;

⁸Sa festa de sanctu Nichola;

⁹Sa festa de sancta Luchia;

¹⁰Sa festa de sanctu Anthoni;

¹¹Sa Pascha de sa natividadi et octo dies depus Pasca et octo inantis;

¹²Sos lunis e martis inantis de segari de petsa et issu mercuris primu infattu de carrisegare;

¹³Sa Pascha dessa Epiphania que si clamat Pascha nunsa;

¹⁴Sa Pascha de Ascensioni;

¹⁵Sa Pascha de Penthecoste cum dies .ii. seguentes;

¹⁶Sa festa dessu Corpus de Christus;

¹⁷Item totu sa chida sancta et octo pusti Pascha;

¹⁸Sas ferias dessas messas, sò est dae .xv. de lampadas infini a dies bindichi de treulas, exceptada sa corona de Loghu de sanctu Pedru qui si reet ad voluntadi nostra et exceptadu qui si possant minare sas questiones ad voluntadi de sas partis, et issu simili qui semper si reat sa Audientia a discricioni d’issa e totu.

 

125.2.    s’anno ‹et› sas festas] s’anno sas festas
125.11. octo dies depus pasca] octo dies plus pasca
125.12. infattu] inantis
125.13. nunsa] nunssa
125.18. exceptada sa corona de Loghu de sanctu Pedru] receptada sa corona de Loghu de sanctu Pedru
125.18. exceptadu qui si possant minare sas questiones] receptada qui si possant minare sas qnestiones
125.18. a discricioni d’issa e totu] ad iscrutari issa o totu