1Item, pro cessare multas fraudes que faghent et comittent sos carradores im portare vinu dae unu loghu at un’atero, ordinamus et statuimus que nechunu carradore qui portat cuba de vinu over carrada non deppiat nen presumischat dae como inantis dessu vinu qui iugheret boghare·nde nen faghire·nde boghare, nen consentire qui nechuna persona inde boghit ne ’nde biat, nen dare·ndi ad alchuna persona, ad minus de voluntadi et consentimentu dessu pubillu dessu vinu. 2Et etiam deus non loy deppiat mittere abba nen attera mischo- /27v/ ladura, ad pena de soldos .c. ad opus dessa corte, per ciaschuna bolta qui contra fagherit et esseret·illis provadu, de pagare su damnu a su pubillu de su ditu vinu. 3Et issa simili pena si intendat ad issu qui ’ndi bogharit a bier dessu vinu sensa paraula de cussu cuy ad esser su dictu vinu, benne que non esseret sus carradores. 4Et icustu capidulu bolemus que si intendat a dogna atera mercantia et ateras causas que si portarint cum carros over cum bestias dae unu loghu ad un’atero. 5Non los usint ixolere, nen travigare, nen fagheri malicia nen barattaria alcuna. 6Et caschaduna persona possat accusare totus cussas godales personas qui in ciò esserent inculpados et appant·inde sa tersa parte dessa pena.
126.R. Carradores] Curadores
126.1. dae unu loghu at un’atero] dae unu loghu at in atero
126.3. benne que non esseret sus carradores] benne que non ad esseret sus carradores