¹Item ordinamus que sos pubillos dessas ditas vignas, ortos, over armentargiu, o homini issoro, over cussos qui ant esser de ciò iuradus, qui ant achaptare porchos de gamma, o brebegues, o capras, in alcuna dessas dictas vignas over ortos, siant tentas et depiant ochire over levare, per ciaschuna bolta qui ’lloy ant esser achaptados, de ciaschuna gamma pegus .v. ²Et niente de minus su pubillu de su ditu bestiamen deppiat pagare et paghit su apersiu et damnu qui cussu bestiamen at aviri fatu et cungiare ad ispendiu suo sa vigna over orto qui at esser ischungiada et soldos .xx., dessos quales appat sa camera nostra sas duas partis et issa tersa parte appat su achusadore. ³Et alcuno dessos predictos qui ant acaptare su dictu bestiamen et at laxare de ochire over levare comente est narado, non lu at denunciare a su maiore, paghit per ogni bolta qui ’lloy ad esser acaptado over provadu legitimamente ciò aviri fatu, secundu qui si contenit in su capidulo de subra attere bestiamen. ⁴Qui contra fagherit pro amore o pro timore o pro atera regione, qui si ’ndi istaret de non fagher de sas predictas causas, paghit pro dogna bolta libras quimbi.

137.1.    qui ’lloy] qnilloy
137.2.    at aviri fatu] at aviri fatn
137.2.    tersa] terssa