¹Item ordinamus qui si alcuna persona tractarit o consenterit causas alcunas prossa quali nos perdiremus honore, terra over castellu de cussos qui amus hoe ho de cussos qui aquistaremus dae como inantes deppiant esser istraxinadus a coha de cavallo per totu sa terra nostra d’Aristanis et poscha infini assa furcha et inie si infurchet qui ’ndi morgiat et issos benes suos tottu appropriadus assu renno, ²si veramente qui in casu su dictu traditore avirit mugere et esseret coyada assu modu sardischu, que sa dicta mugere appat sa parti sua senza mancamentu alcuno, secundu qui in su dictu capidulo si contenet. ³Et si avirit appidu mughere per inantes assa sardischa dessa quali avirit alcuno figio o ffigios, cussu figiu o ffigios comente et heredes de cussa mama issoro appant et aver deppiant sa parti issoro dessos benes predictos secundu ussanza sardisca /2r/ senza mancamentu alcuno, secundu qu’est naradu de supra prossos atteros. ⁴Et si esseret coyada a dodas a modo pisanischu su simili sas dodas suas senza alcuno manchamentu, pro qui non est ragione qui issos perdant per culpa et defectu dessu padre et dessu maridu. ⁵Et semper si intendat qui ciaschuno creditore qui avirit at riciver inantes que su dictu maleficiu esseret perpetradu et factu, qui siat paghadu de tottu que iustamente at mostrare qui appat a reciver.

2.3.         alcuno figio o ffigios] alcuno figio o ffigias