1In nomine domini. Amen. Recordationem facio pro Maria Capra ka sse rebellait dessu serbithu de sancta Maria et addonnicaitse a Petru Çuckellu, armentariu de Mandra Ulisay. 2Andainde a reclamo assu donnu meu iudicke Mariane, ke erat tando donnu dessa terra d’Arbaree. 3Posimi a kertarende in corona de ser Bruno, ke erat iudike de factu in Arbaree. 4Kertai in Arestanes in corona sua: «Kertu pro Maria Capra ke est fiia de serbu et d’ankilla de sancta Maria de Bonarckanto et est andata dassu serbithiu de sancta Maria». 5Torraimi verbu Petru Çuckellu ka «non est ankilla de sancta Maria et da serbithu suo non est andata». 6Iudicaruntimi a batuer testimonios ka fuit fiia de serbu et d’ankilla de sancta Maria et ka erat andata dessu serbiçu || [c. 76r] de sancta Maria. 7Et ego battusi testimonios bonos: a Nicola de Pane et Gantine de Porta et Comita Pira et Janne de Vaias, Iorgi Virrake et Gonnari de Muro. 8Custos kinbe iurarunt ad bangheliu de Deus ka: «Maria Capra fuit fiia de serbu et d’ankilla de sancta Maria de Bonarcanto et nos los conoskimus servire su patre et sa mama et sa fiia Maria Capra a sancta Maria de Bonarkanto pro serbos». 9Parsit iustitia assu iudike de factu et a tottu sa corona ka aveat vinkitu sancta Maria. ¹⁰Torraruntimi s’ankilla cun ·VI· fiios suos. ¹¹Testes: primo Deus et sancta Maria et ser Bruno, in cuia corona kertava, Petru Çuckello, donnu Muiedi de Laccon, Comita de Theppar curatore de Campitano, Mariane de Theppar su frate, Mariane de Serra curatore de Nuckedu, Comita su frate, Gontine Piga, donnu Francardellu su priore de Baulata, Petro de Martis de Nurghillo, Torbeni Melone, Frevari Cocco, Torbeni Gurolo, Petru d ‘Orruu de Terralba, Gonnari Karruca priore de sancto Paule de Sinnas, Comita Çori Trombas, Gavine Murghia, et alios multos qui erant ibi.

173.10 suos] suo^s.
173.11 donnu Francardellu] donu Francardellu.
Sinnas] sinna^s.