1In nomine domini. Amen. Ego Goantine de Foge petivilli boluntade assu donnu meu ser Ugo de Bassa sa die de sanctu Marcu de Sinnis aissora kandu essiat de missa ki mi darit paraula de offerremi a sancta Maria de Bonarcadu cun onnia cantu avia; 2et ipse naredimi ca «faguellu c’a mimi bene mi plaguit et bonu mi parit et paraula ti ’nde do». 3Et ego dave co ’nd’appi paraula dava su donnu meu mi misi in manu de donnu Vivianu priore de Bonarcadu davenanti dessu donnu meu in presentia sua pro combersu et deilli in potestate sua onnia cantu avia intro de domo et de foras de domo, 4terras et binias cantu avia de fundamentu meu et de comporu su ladus et iss’ateru ladus est de mugere mia. 5Testes: su donnu meu iudice Ugo de Basso et donnu Bonacorsu, piscobu de sancta Iusta, et donnu Gunnari de Martis, curadore dessos Simaguis, et donnu Barusone Taiabucones et donnu Eissu Sakellu mannu et donnu Barusone Spanu et donnu Gunnari de Iana et donnu Goantine Orrodelle et donnu, Jorgi de Sogos et donnu ||[c. 88v] Iorgi Zancatorta et donnu Arçoco Porcu. 6Custos ive furun ue consentiit su donnu meu donnu Ugo de Basso s’afiiamentu ki mi fegi a sancta Maria de Bonarcadu pro combersu cun totu su meu. 7Et tandu andei a Bonarcadu cun su priore et offersimi a Deus et a sancta Maria et a sancto Zeno denanti dess’altari suo, ue erant totu sos monagos, pro combersu et in bida et in morte. 8Et dedi totu su meu a Deus et a sancta Maria segundu co avia platigadu et iadu assu priore daenanti dessu donnu meu Ugo de Bassa iudice d’Arbaree.

209 La scheda riproduce la scheda n. 3