[c. 17v] 1Ego Arrigu, priore de sancta Maria de Bonorcadu, et Samaridanu, servidore de sanctu Georgii de Calcaria, fagemus recordatione de serbos et ankillas c’aviat sanctu Georgii de Calcaria cun sanctu Gregorii de Bauladu. 2Partirus cun priore Iohanne ad Iohanne de Urri, ubi aviat sanctu Georgii ·III· pees et sanctu Gregorii unu pee, et ad Maria de Urri sa sorre, ubi aviat sanctu Georgii ·III· pees et sanctu Gregorii unu pee. 3Girarus manu et cambiarus a plakimentu bonu de pare. 4Levait priore Iohanne pro sanctu Gregorii su pee de Maria de Urri et sanctu Georgii levait su pee de Iohanne de Urri su frade. 5Arramasit Maria de Urri a sanctu Gregorii su ladus et Iohanne de Urri ramasit a sanctu Georgii totu intreu. 6Testes ubi fegerus custus cambius a plakimentu bonu de pari: donnu Trogodori Corsu curadore de factu de Bonorcadu, et Torbini de Piras, maiore de scolca, et Goantine de Baniu clerigu et Petru Marki, clerigu de Solagrussa, et Petru d’Ardaule clerigu, et Petru Contu et Goantine Rue et Tericu Maiu et Taniel Kerssa et Petru Coco et Benzivenni et Petru || [c. 18r] Manis.

a  7Girerus anco manu et partirus Arçoco Ladu, fudi filiu de Bera Casa, ki fudi ladus de sanctu Georgii et ladus de sanctu Gregorii et fegit a Orçoco in forrizu, de ki gitavat ad sanctu Gregorii su ladus et ladus ad sanctu Georgii. b 8Coiuvait custa Bera Casa cun Trogotori Gaça, serbu de juigi, et fegerunt unu filiu, a ki naravant Gaini, de ki gitavat ad juigi su ladus, et daitillu juigi a sancta Maria de Bonorcadu, et issu ateru ladus pee a sanctu Georgii et pee a sanctu Gregorii.
c  9Coiuvait Iuxta. […] ankilla de sanctu Gregorii cun Petru Pisanu, ki fudi ladus de sancta Maria de Bonorcadu et ladus de Petru de Serra Cariga et fegerunt unu filiu a ki naravant Trogodori, de ki gitavat ladus a sanctu Gregorii et pee a sancta Maria et pee ad Petru de Serra Cariga. ¹⁰Et icustu pee de Trogodori, ki lli gitavat ad Petru de Serra Cariga, illu comporei ego Samaridanu pro sanctu Georgii et deindelli in dinaris sollos ·XXX· et clomplilli prezu. ¹¹Testes: donnu Petru de Figus armentariu de logu, et Johanni Leo scriptore, et Mariane de Çori clerigu, et Barusone Uras et Petru Pintore et Bellomini de Serra d’Urasanna. ||

28.1 Arrigu] arriglu.
28.2·III·] III (due volte).
28.6 Petru] P. (tre volte).
28.10 ·XXX·] XXX.