[c. 41v] 1EGO Petrus Perosino, priore de Bonarcadu, facio recordatione de binkidura c’apo facta in corona de donnu Hugo de Bassu iudice d’Arboree, c’aviat tandu su mesu dessu logu et ipsu ateru mesu fuit de donnu Guigelmu marchesu, iudice de Plominus. 2Kertei in corona sua in Fununi in corte ki fuit de Mariane Guçeri cun Marcu d’Abas pro onnia frati suo ca 3«furunt serbos de sancta Maria de Bonarcadu» et ca: «lus avia in condagi sus parentes suos»; 4et ipse torredimi verbu ca «fudi liberu et ipse et issus frates». 5Positimi iudice a batuere su condagi a corona in co mi posit iudice. 6Et iudice dedillu su condagi a leere ad Caminu, su scriptore suo. 7Lesit su condagi de iudice Goantine, ki fegit sa badia de Bonarcadu et ipsu condagi de iudice Comida, su fìiu, cumente lus derunt assus parentes de cusse ad Bonarcadu et a totu sa generatione k’edi nasciri de·llos. 8Percontedi iudice a sa corona kiteu ’nde llis pariat. 9Adcordaruntsi totos sus ki furunt in corona a torrari sos homines a serbiçu de sancta Maria de Bonarcadu in co naravant sus condagis||[c. 42r] et iudice torredimi sus homines a serbiçu de sancta Maria de Bonarcadu et bingillus. ¹⁰Testes: donnu Comida d’Açene d’Urasara et Barusone su fiiu, Comida Pistore curadore de Nurabulia, Petru de Serra spentumadu et Eissu Sakellu Burigu curadore d’Austis, et Iorgi Çancatorta maiore de cavallos et Barusone Lafri, mandadore de Fununi, et Comida de Villa maiore de scolca de Nurabilia, ¹¹Comida de Çepera, curadore de Gilarci, et Mariane de Lacon d’Uras, kergidore de Sinnis, et Goantine Orrodellu, mandadore de regnu de Piscobiu, et toctos cantos furunt sa die in corona in Fununi dava co exivit de silva iudice, dava Bau ludosu. Et icusta binkidura fuit facta secundo die intrante agusti ANNO DOMINI MILLESIMO CCV.

99.7 cusse] cuse.
99.8 ndellis] dellis.