[c. 13r]

¹Die XXX decembris Anno a Christo nato mjlle[s]jmo quadringentesimo duodecimo

²Nanneddu Pabadj dessa villa de Solarussa, jn su su ultjmu testamentu, hat testadu et lassadu assa Eclesja de Sanctu Martjnj de Aristanj qui subra su cunjadu su, qui tenet et possedit, et est iuntu et contigu cun sa bingia manna sua, et est existente et posta jn su logu clamadu Pardu Spinosu, si paguet domnj an[n]o et jn perpetuum, soddos quinbe de oljvellu assa Eclesia djta de Santu Martinj; ³et passande tres annos sensa solvere et pagare sos djtos soddos qujnbe, si li ssiat liadu su ditu cungiadu, et sensa reclamaxione de jujgue siat dadu et jntregadu assa E[c]lesia de Sanctu Martjnj. ⁴Et gosj eo Jacu Deltoro, notariu publjcu de s’artj dessa notaria, mediantj su cumandamentu, autorjdadj e poderj a mie dadu dessu signore Archjpiscobu de Aristanjs, naro aher recidu su juramentu dae una femina lamada Pitzia Pabadj, figia dae ssu quondam Nanneddu, jurande et narande de qui issa tenet e possedit su ditu cungiadu, et observare su testamentu dessu babu, et de nou si obljgat pagare su ditu oljvellu a Santu Martjnj. ⁵Et simul jndi ade sas confrontaxiones dessu ditu cungiadu, su calj tenet conca e fague assa jngia dessu quondam Perdu Pilj, su camjnu jn mesu, peis assa jngia qui fudj dessu quondam Chri[s]tolu Sardara, costadu s’unu assu cunjadu nou de Lionardu zancudj, e dess’ateru costadu tenet ass’Uturu Mannu. ⁶Et gasj sa dita Pitzia

Pabadj debet darj et pagarj su ditu olivellu assa Eclesia de Santu Martjnj de Aristanis____ soddos V, dinares____

Sul margine sinistro:
Nota de testamentu:
Pitzia Pabadj pagat assa presentj.

Ch[r]istolu Sardara pagat mo.

Su ditu cujadu es postu a bingia et pagat su Reverendu preidi Inpera Corria.

Agora paga el olivell Salvadori Masala.

***

17.2 Il bene qui menzionato risulta anche in un atto, datato 1519, contenuto nel Brogliaccio alla c. 23v: Sabadu a dies VII de su mesi de austu de milli quinbiquentos et dagianois, in sa villa de Solarussa, sunt benidos daenanti mie Jaco Vinchi, procuradorj de su monasterio de Sant(u) Martini de Aristanjs, Paulj Pabadj et Pichia Pabadj, frady e sorri, ffigius et heredis de su condam Ffranchisco Pabady de sa dita villa de Solarussa. Sos calis fradis e sorrj ant renunciadu in poderj de Marco Mulla e Aeni Pabady, mugerj sua, su cungiado ap(ar)tinentj ad su ditu monasterjo, de su quali acostumant pagarj donj ano, a prima die dessu mesi de arbili, quinbi soddos et ses dinaris. Ssu quali cunjado est postu in jurjdiçonis de sa dita villa de Solarussa, in logu clamadu Pardo Spinosu. Pro su qualj conjado su ditu Marco Mulla si obbligat, pro sey et pro heredis suos, pagarj donj ano a su ditu monasterjo, sos ditos sodos V, denaris VI. Et si passarit anos tres qui non paarit, qui p(er)dat dita possessioni. Et su ditu Marco si obligat a mellorarj cusu et non peorari in cosa alcuna. P(resenti) pro testimongios ...ecc.