1 Est conparsidu su multu venerabille calonigu Basili Canbone, calonigu de Sora et colect[o]re apostolichu, narande comente donnu Itochore et conpagnios suos narande su ditu chalonigu comente su ditu donnu Itocor tenet chanedos postos in teras de santu Pedru de Tularva, hue re{n}cheret su ditu calonigu qui mustrent chomente las tenent et chomente non.

2 Rispondet et narat su ditu donnu Ittochor qui de custa cosa queret unu tenpus chongru qui custa chossa li poterat mustrare.

3 Avendo intessu sa dimanda et simili sa risposta su venerabilli capidulu ahent deliberadu qui de donno Itochor depat demustrare chomente los tenet et comente non, infra dies XV et cando non lu mustret inffra chusas dies XV su donnu dessu vichariu bi at provider sa iusticia.

[163], 1 colect[o]re] colectire
[163], 2 poterat] po≠-det terat