1 A die scrita dessu millesimo scrito.

2 Su segnore episcopu de Sorra videndo qui sa domo de Buruta est cadida, sa quale domo est dessu episcopadu, amus voluntade de la pesare et mezorare. 3 Amus in sa villa de Mores una domo coperta et domos disfatas et ortu su quale sy clamat Piscopia:

4 volimus et concedimus qui cun totu cussu istallu vendimus ad canonicu Angelu Sassu pro satisfagher sa domo de Buruta in prexiu et nomine de prexiu de liras L, su quale scritu Angelu Sassu possat beneficare, vender, donare, alienare et romaner ad persones suas post mortem sua; 5 et quando ateru episcopu over episcopos ant venner post mortem de episcopu Johanne Zançis qui ad heredes desu scritu ploanu non syant molestados dessa dicta conpora de cussas domos over istallos, desu ortu pumoradu ad mendulas et ateras arbores, 6 sa quale venditione est facta in sa ecclesia de santa Katerina de Mores cun consygiu de totu su capitulu de Sorra, primo su donnu dessu archiprede de Sorra, ço est Gayngiu de Terchido, et dessu donnu vicariu de Sorra, zo est Gantine de Nula canonicu de Bunanor, canonicu Paulu Pynna de Turalba, canonicu Antoni Porchu de Chelemule, 7 preidi Antoni Corsu rectore de Terchido pro nomen et parte dessu canonicu de Bessude et Cosseyni, canonicu Antoni Murgia canonicu de camera, rectores preidi Nicola Honida de Lechesos, preidi Leonardu Chessa  de  Itiri,  preidi  Gayngiu  Chessa  de Totorache,  preidi Gayngiu Discanu de Banari, preidi Antoni de Serra de Semeston, preidi Franchischu de Marongiu de Syloghe et de me preidi Johanne de Serra de Tiesy.