(c.53r.) 1 A dies III de agustu de MCCCCX†…†

2 Pro su segnore Episcopu de Sorra fuit factu cumandamentu ad canonicu Paulu Pinna et preideru Paulu Barta comente et percuradore de canonicu Gantine de Luna que sas intradas desos beneficios suos desos canonigados de Turalba et Bunanor a modu nesiunu non siant bendidas, alienadas ne trasportadas desu loghu desu beneficiu, 3 pro qui las at su dictu sengnore episcopu {y}istacidas ad pena de dughentas liras fina a totu que siat judigadu et sentenciadu cale de ipsos duos, over canonicu Paulu, over canonicu Gantine, ana a paghare sa pena desas chento liras, sa chale si contenet in sa sentencia desas chintorças de Chirighu de Serra,

4 et qui ad contra fagher, over canonicu Paulu over canonicu Gantine, comente et principale, over preideru Paulu Barca comente et procuradore over armentarços de ipsos per via directa o indirecta ipso facto incurat in sentencia de excomunicacione et privacione de hoficiu et de beneficiu. 5 Facta fuit sa presente istacina ad istancia et rechesta de canonicu Paulu Pinna.