(c.56v.) 1 A dies XV de jenargiu de MCCCCLXVI.

2 Exsende differencia intra su segnore episcopu e canonicu Johanne Delatala supra sas intradas de Quelemule pro sas vidas disfatas qui sunt a confines et laorant sos de Quelemule, fuit congregadu su capitulu de Sorra et naradu qui su segnore episcopu leat dae totu sas vidas e quesias diffatas qui leat sa bona memoria de episcopu Zanzis, 3 comente e in possessione qu’ind’est e ancora qui su segnore episcopu d’at leadu s’ateru tempus dae su dictu canonicu Johanne e sempre ind’at dadu in tempus qui fuit su dictu segnore episcopu Zanzis, 4 secundu at testificadu donu Serafino Morrocu comente armentargu e canonicu Pedru de Serra armentargu qui ana testificadu qui ognia annu de leana sa mesidade desas degumas qui si faghiant in cussas vidas e quesias disfatas e gasi como narant e pro cussu si ob<l>igait su dictu canonicu Johanne dare cussas degumas e jurait supra sos sanctos vangelos de Deu qui plus non deviat negare ne occultare cussas degumas innantis darelas integralmente.