1 Pilosedu Ischanu est conparsidu in su capidulu narande comen- te in sos montes de Jave li est istadu leadu duos cados et de cus- sos duos cados de at acatadu unu in Saseri in podere de preideru Simone, et comente et acatadu qui at cussu cadu cun totu sos danos.

2 Rispondet et narat su ditu preideru Simone qui fini ad icomo indiçiu nexiunu, fini ad icomo, et d’a indiçiu et gaxi requeret qui li siat dadu su tempus de s’inde adjudare.

3 Avendo intessu su venerabile capidulu sa dimanda e simile sa risposta judicant et delibera<n>t totu adcordivilemente qui prei- deru Simione apat tenpus infini a tantu qui officiale de Capuda- bas tengat corona, pro qui su ditu preideru Simone de aet indiçiu de cussa dimanda, 4 vistu qui su ditu preideru non est furone, et si su ditu preideru de cussa dimanda qui su ditu Pilossu li faquet s’inde innetat in sa corona, bene quidem, et cando su ditu prei- deru non s’inde fatat bonu, qui su ditu preideru siat penadore desa dimanda qui su ditu Pilossu li fachet tantu desu cadu qui may non aet apidu, comente de totu sos danos et ispessas.