(c.75r.) 1 A dies duos desu mese de capidanni de MCCCCXLVII.

2 Per cumandamentu de reverendo sengiore mesere Johannes, per isa gratia de Deu episcopu de Sorra, fuit missu in presone preideru Petruçu d’Unale portantu que iniquamente, cun faula contra veridade, difamait per isa villa de Rebechu narande similes paraulas: 3 “Non ischo comente mi fagher; su episcopu m’indi ffaghet pro qui mi cheret leare una cupa de vinu et eo non apo vinu ne d’unde lu comporare”, 4 sa guale infamia est andada non solu per isu epischopadu de Sorra, antis fina asa cidade de Sasari, a grandissima virgonça desu scriptu sengnore episcopu, su cale mai asu dictu preideru Petruçu non dimandait nen cupa, nen mesina, nen pinta de vinu per via de machissia, et custa est sa veridade clara, et sa casione pro sa cale preideru Petruçu suprascritu est in sa presone desa corte de Sorra.