1 A dies XI de capidanni MCCCCXLVI.

2 Su venerabili vicariu arquipreidi Gantine de Nula, canonicu et vicariu de Sorra, per cumandamentu dessu reverendo segnore Johanne Çansis episcopu de Sorra su scritu vicariu pro çertas erransias, dissobidiensias et cumandamentos factos per isu reverendo segnore scritu et vicariu et per cumandamentu dadu per isu anteditu vicariu ad preideru Nicola Honida rectore dessa villa de Lechessos qui laxaret sa cuncubina over fante plubicha, sa cale tenet in domo sua, 3 ipse, comente et persona estigada over ten- tada dessu ispiritu diabolicu, non vollendo obedire et ne aver penseri desu timore de Deus at bolvidu perseverare et tener cussa scrita cuncubina. 4 Eo, comente hoficiale et <vicario> de cussu episcopadu, videndo sa iniquitade desu scritu rectore, ingnoran- sia et dissobidiensia dessu scritu preidi factas per cumadamentu dessu scritu segnore episcopu, amus rechestu et factu vener asu ditu rectore ad sa villa de Bunanor in sa die scrita et ço, 5 cun losinchas et cun bonas maneras videndo non podendosi secudare non per cumandamentu dessu segnore <episcopu> et non per cumandamentu dessu scritu vicariu non per cumandamentu de hobediensia su primu, non per cumandamentu de excomuniga- sione, non per cumandamentu privasione de officio et de benefi- sio, antis sempre †…† in totu custos cumandamentos est istadu

†…† ne †…† cun losinchas et cun plus ma†…† (c.79r.) †…† qui l’at factu vener ad ssa villa de Bunanor a domo dessu <reverendo> vicariu. 6 Etssendo in sa scrita domo su scritu vicariu, non tenen- do carcer nen loghu de lu poder chastighare desas erradas factas, ad rechestu a donnu Andriuçu de Sogu, maiore desa scrita villa, que li deppiat dare tantos homines que asu scritu rectore deppiant tener in bona cardia over custodia. 7 Su scritu maiore comente et figiu de hobediensia est istadu hobediente secundu de supra. 8 Sos scritos cumandados est Andria de Sogu, Itochor de Iola, Paulu de Marongiu.

9 Su scritu rectore videndosi in sa manera secundum de supra ad suplicadu et preghadu asu scritu vicariu qui li placat, pro reveren- sia de Deus, fagherli gratia dandeli bona securtade de liberarelu de cusa pena et carcere dada et asignareli tempus qui s’inde pos- sat sucurrer adsu reverendo segnore.

10 Su venerabili vicario videndo sa securtade bastante et atu a ço, sa cale securtade est donnu Lenardu Sanna de Bunanor, obligha- du ad presentaremi su anteditu rectore joia infra su die per fina hora de vesperu intro in sa domo desu scritu vicariu, oblighandosi su scritu donnu Lenardu a penas, maquisias et condenasiones secundum qui asu scritu segnore at plagher.

11 Testimongios clamados donnu Andriuçu de Sogu maiore de Bunanor, Andria de Sogu, Itochor de Iola, Paulu de Marongiu et de me preideru Paulu Barta iscritor de custu ut supra conti<netur>.

[359], 7 ≡ istadu