/1r/ ¹Cum sciò siat causa qui su acrescimentu et exaltamentu dessas provincias, rexiones et terras descendant et bengiant dae sa iusticia et qui per issos bonos capidulos sa superbia dessos reos et malvagios hominis si affrenent et constringhant, ad ciò qui sos bonos et puros et innocentes pozant viver et istare inter issos reos ad seguritades pro paura dessas penas e issos bonos prossa vertudi dessu amore siant tottu hobedientes assos capidulos et ordinamentos de custa Carta de Loghu, imperò nos Elionora, pro issa gracia de Deus iuyghissa de Arbaree, contissa de Ghociani et biscontissa de Baso, desiderando qui sos fideles et subdictos nostros dessu rennu nostru de Arbaree siant informados de capidulos et ordinamentos prossos quales pozant vivere et si pozant conservare in sa via dessa viridadi et dessa iusticia et in bono, pacifichu et tranquillu istadu ad honore de Deus omnipotente et dessa gloriosa Virgini Madonna sancta Maria mama sua et pro conservare sa iusticia et pacifichu, tranquillu et bonu istadu dessu pobulu dessu rennu nostru predicto et dessas ecclesias, regiones echesiastighas et dessos lieros et bonos hominis et pobulu tottu dessa dicta terra nostra et dessu rennu de Arbaree, fachimus sas ordinationes et capidulos infrascriptos, sos qualis bolemus et comandamus  expresamenti qui si deppiant attenne et oservare pro legie per  ciaschaduno dessu Iuyghadu nostru de Arbaree perdittu in iudiciu et exstra.

²Sa Cartha de Loghu, sa quali cum grandissimo ‹sinnu› et providimento fudi facta per issa bona memoria de iuighi Margiani padre nostru, in qua directu iuyghi de Arbaree, non essendo correcta per ispaciu de .xvi. annos passados, commo, per multas varietadis de tempus bissognando de necessitadi corrigere·la et mendari, considerando sa variedadi et mutacione dessos tempos qui suntu istadus seghidus poscha et issa conditione dessos hominis qui est istadu dae tandu innoghi multu permutada, et plus per qui ciaschuno est plus inquenivili assu ma- /1v/ lu fageri qui non assu bene dessa replubigha sardischa, cum deliberadu consigiu illa corrigemus et fagemus et mutamus dae bene in megius et comandamus qui si deppiant observare integramente dae ssa suprascripta die innantes per issu modo infrascripto, ciò est:

ProemioE.1.         descendant] descendent
ProemioE.1.         informados] informandos
ProemioE.1.         pro conservare sa iusticia] pro conservare de iusticia
ProemioE.2.         cum grandissimo ‹sinnu› et providimento] cum grandissimo et providimento
ProemioE.2.         sa variedadi et mutacione dessos tempos] sa veridadi et mutacione dessos tempos
ProemioE.2.         suprascripta die] sancta die