Il pontefice Alessandro III conferma al comune e alla chiesa di Genova tutto ciò che l’uno e l’altra possedevano nei Giudicati di Cagliari e di Arborea in Sardegna.

(1179, 16 maggio).

Dai Regii Archivi di Corte di Torino, Cart. Gen. Cod. A e B, fol. 108 e 341.

Alexander Episcopus, servus servorum Dei venerabili fratri Hu (1) archiepiscopo, et dilectis filiis canonicis ac consulibus ianuensibus salutem et apostolicam benedictionem. Sacrosancta Romana Ecclesia singulorum merita consuevit et vota respicere, et rationabilium petentium desideriis benignum consensum et favorem prebere. Quapropter pro multis devotis et acceptis obsequiis que Beato Petro in nobis et fratribus nostris vos et tota civitas vestra liberaliter et spontanee impendistis, vobis nunc et omni tempore promereri cupientes, terras, casas et iura que in Arborensi et Karolitano iudicatibus habetis vobis et ecclesie vestre auctoritate apostolica confirmamus, et presentis scripti patrocinio communimus, salvo in omnibus iure et auctoritate Romane Ecclesie. Datum Laterani XVII kalendas iunii.

Ego Rollandinus de Richardo sacri palatii notarius hoc exemplum extravi et exemplavi ex autentico privilegio domini Pape, bullato bulla plumbea pendenti, in qua ab una parte erant sculpta duo capita sanctorum mediante forma crucis, unum videlicet caput Sancti Petri, et aliud Sancti Pauli, secundum suprascriptionem notatam, que talis erat: S. Pa. S. Pe. Ab alia vero parte erant litere tales: Alexander Papa III; sicut in eo vidi et legi, nihil addito vel diminuto, nisi forte litera vel sillaba, titulo seu puncto, causa abbreviationis, sententia non mutata; de mandato tamen domini Dannii de Osnaigo civitatis Ianue potestatis, presentibus testibus Iohanne Bonihominis, et Loysio Calvo cancellariis comunis Ianue, et Iacobo de Albario notario, MCCCI. indictione XIII. die XX iunii.

NOTE

(1) i. e. Hugoni.