Alfonso, re di Aragona, conferma e giura tutto ciò che in di lui nome avea promesso ai Genovesi il suo procuratore conte Rogerio di Bernardo.

(1186, 30 novembre).

Dai Regii Archivi di Corte di Torino, Lib. Iur., fol. 59. Cod. A.

In nomine Domini amen. Ego Ildus (1) Dei gratia rex Aragonensis, comes Barchinonensis, et marchio Provincie, convenio et promitto ianuensibus consulibus de comuni et toto comuni Ianue per te Ogerium Panem missum illorum recipientem pro comuni Ianue, et per presentis mee bulle constitutionem confirmo, ac super animam meam iurare  mando per Pontium de Cervaria, quod si Pisani, vel aliqua alia persona, excepto romano Imperatore et filio, guerram fecerit Ianue vel comuni Ianue ea occasione, quod conferre promiserunt consanguinee mee Arboree regine ad recuperandum regnum et iudicatum Arboree sibi, et nepoti eius, filio quondam Hugonis de Bassis, ego, quamdiu guerra illa duraverit,  et illis personis guerram faciam per me et homines meos, ita quod in tota terra mea ipsos non recipiam, nec recipere consentiam mari vel terra. Et si contingerit eos in partibus meis applicare, persona et res eorum capiam vel capere faciam bona fide pro posse meo. Et si interim galee armate fuerint in terra mea de maritima, precipiam armatoribus et precipi faciam quod personas et res eorum ubicumque potuerint capiant. Et bona fide operam et studium prestabo efficaciter quod regina, et nepos eius, filius quondam predicti Hugonis de Bassis, adimpleant que ipsa regina comuni Ianue convenit. Quod si contrafactum esset, quod Deus advertat, deinceps eis consilium et auxilium meum subtraham, nec eis ulterius conferam aut conferre faciam, nec homines totius terre mee eis conferre concedam. Actum in obsessione Rode, presentibus B. Ildensi episcopo, Guillielmo de Anglerola, P. de Blandis qui hec scripsit precepto domini Regis. Anno MCLXXXVI, ultima die mensis novembris.

NOTE

(1) Ildus, abbreviatura di Ildephonsus.