Altra Bolla di Papa Callisto II, con cui è confermata al Monastero di Monte Cassino la possessione ed usufruizione dei beni donatigli dal donnicello Gonnario di Laccon co’ due atti del 1120 sopra riportati, mediante l’annuo censo di quattro soldi di danari pavesi al s. Palazzo di S. Giovanni di Laterano.
(1121…).
Dal Gattola, Hist. Abbat. Cassin., part. I, pag. 425, col. 2 e seg., edit. praed.
Callistus Episcopus servus servorum Dei. Karissimis in Christo filiis Girardo Cassinensis Monasterii abbati, et eius fratribus tam praesentibus quam futuris in perpetuum. Et commissi nobis officii sollicitudo deposcit, et paternae charitatis benignitas nos compellit, ut Ecclesiarum omnium providere necessitatibus debeamus. Verumtamen locis illis, et personis, quae specialius, ac familiarius Romanae adherent Ecclesiae, quaeque amplioris religionis, et dignitatis gratia praeminent, propensiori nos convenit affectionis studio imminere. Ea propter filii in Christo karissimi petitioni vestrae non immerito annuendum censuimus, ut in Sardiniae partibus de beati Petri oblatione substentationi vestrae subsidium aliquod offeramus. Per presentis igitur scripti auctoritatem vobis vestrisque successoribus perpetua stabilitate concedimus ecclesias illas, quas vir nobilis donnicellus Gunnari una cum uxore sua Helena beato Petro cognoscitur contulisse, ecclesias scilicet S. Petri de Nugulbi, S. Nikolai de Nugulbi, S. Heliae de Setin, et S. Petri de Nurci, cum pertinentiis suis, ut de ipsarum redditibus, prout facultas ministraverit, indumenta semper Cassinensi conventui praeparentur, salvo nimirum censu quatuor solidorum denariorum papiensium singulis annis Lateranensi palatio persolvendo (1). Sane possessiones, et dona omnia, quae praedicatus Gunnari beato contulit Benedicto, vel collaturus est, Apostolicae Sedis munimine confirmamus, statuentes ut illa omnia similiter in vestimentorum vestrorum praeparatione in perpetuum conserventur. Si quis igitur in futurum iudex, donicellus, aut ecclesiastica quaelibet, secularisve persona, decreti huius tenore cognito, praedictas ecclesias, et caeteras praefati Gunnari oblationes auferre, vel minuere, aut a constituta vestimentorum Cassinensis conventus praeparatione subtrahere, vel mutare praesumpserit, potestatis honorisque sui dignitate careat, reamque se de divino iudicio existere de perpetrata iniquitate cognoscat, et a sanctissimo corpore et sanguine Dei, et domini redemptoris nostri Iesu Christi aliena fiat, atque in extremo examine districtae ultioni subiaceat. Cunctis autem qui observatores extiterint, beatissimi patris nostri Benedicti, precibus omnipotentis Dei, et apostolorum eius Petri, et Pauli gratia, et benedictio, et peccatorum remissio tribuatur. Amen. – Ego Callistus Catholicae Ecclesiae episcopus subscripsi.
NOTE
(1) Qui è ripetuta la condizione principale imposta dal donatore Gonnario, che cioè i frutti dei beni da lui donati dovessero servire pel vestiario dei monaci Cassinesi. E il papa, confermandola, impone ai monaci l’annuo censo di soldi 4 di danari Pavesi a favore di s. Giovanni di Laterano.