Il Pontefice Alessandro IV commette al Priore dell’ospedale di s. Giovanni, ed al Priore dei Templari di trasferirsi nella qualità di suoi nunzi in Sardegna, di ordinare ai Pisani e Genovesi la cessazione delle ostilità, e di farsi consegnare dai medesimi la città e castello di santa Gilia (sant’Igia), secondo il tenore del compromesso ch’essi aveano fatto nella di lui persona per la definizione e composizione di tutte le controversie fra loro esistenti.

(1258, 6 luglio).

Dal Raynaldi, Annal. Eccles.Cont. Baron. Tom. III. pag. 29 e 30 ad ann. 1258, N° XXX.

Alexander Episcopus, servus servorum Dei, dilectis filiis P. Hospitalis s. Ioannis, et P. domus militiae Templi Hierosolymitani fratribus, nunciis nostris in Sardinia.

Olim inter dilectos filios potestatem, capitaneum, consilium, et comune Pisanorum super villa s. Giliae Calaritanae dioecesis ex una parte, et Ianuenses ex altera, procurante generis humani inimico, materia dissensionis exorta, tandem fuit a partibus in nos, tanquam in arbitros, laudatores, seu compositores, vel diffinitores, praecise super ea certa poena interposita, concorditer compromissum, prout in instrumento publico inde confecto plenius continetur. Nos itaque de discretione vestra plenam in Domino fiduciam obtinentes, districte per apostolica scripta vobis in virtute obedientiae praecipiendo mandamus, quatenus ad terram ipsam personaliter accedentes, Pisanis, a quibus dicta villa obsessa dicitur, et Ianuensibus pro ipsius defensione ibidem morantibus, et quibuscumque aliis pro iisdem Pisanis, et Ianuensibus illic existentibus cum machinis, et aliis, quae caussa impugnationis et defensionis habent ibidem, exinde sine qualibet difficultate remotis infra dies octo, iuxta dicti compromissi tenorem, tenutam ipsius villae nomine nostro recipere nullatenus postponatis: mandantes, et praecipientes nihilominus hominibus dictae villae, ut in nullo alteri partium in alterius praeiudicium faveant, vel ei exhibeant auxilium, vel favorem: sed eos compellatis iurare super iis, quae huiusmodi contingunt negotium, vestro stare mandato, mandatum nostrum super hoc taliter impleturi, quod solicitudinem vestram exinde merito commendemus. Datum Viterbii II non. iulii, anno IV (1).

NOTE

(1) Nel giorno seguente il Pontefice Alessandro IV scrisse ai Pisani, e ai Genovesi, significando ai medesimi di aver accettato l’uffizio di arbitro delle loro contese per la terra di S.^a Gilia, e dando perciò ad essi l’ordine di comparire alla sua presenza a mezzo settembre dello stesso anno 1258 per sentire il lodo, ch’egli avrebbe pronunziato. Ecco le sue parole: Cum igitur nobis cordi sit lites dirimere, et a laboribus, guerris, ac animarum periculis relevare subiectos, tam apostolica, quam arbitraria, seu compromissaria potestate, vobis tenore praesentium precipiendo mandamus, quatenus in medietate mensis septembris proximo venturi, quem terminum vobis peremptorium assignamus, compareatis coram nobis per sufficientes, et idoneos responsales, facturi, et recepturi super quaestione dictae villae (i. e. s. Giliae), quod ordo exegerit rationis. Datum Viterbii non. julii, anno IV. (Raynald. Ibid.).