Il conte Ugolino di Donoratico, e Ugolino Visconti giudice di Gallura, signori entrambi, il primo per la sesta, e il secondo per la terza parte del regno Cagliaritano, Podestà e Capitani del Comune e popolo pisano, costituiscono Ranieri Sampante procuratore, nunzio e legato di detto Comune, e gli conferiscono ampia autorità per trattare la pace co’ Genovesi.
(1288 [1289 stil. pis.], 5 aprile).
Dai Regii Archivi di Corte di Torino. Ser. 3a, Docum. ant. Mazz. 2. N° 8.
In eterni Dei nomine amen. Nos comes Ugolinus de Donoratico et sexte partis regni Kallari dominus et Ugolinus vicecomes, iudex de Gallura et tertie partis regni Kallari dominus potestates et capitanei Pisani comunis et populi habentes de hiis bailiam et potestatem a generali et maiori consilio Pisane civitatis celebrato hoc anno M.CC.LXXXVIIII. indicione prima tertio nonas aprilis, Potestarie et capit. nomine pro comuni Pisano et nomine et vice dicti comunis Pisani presentia consensu et voluntate Iohannis Scorcialupi, Iacobi Ubertelli. Picioli Marchensis, Puccii Canici, Francardi Tabernarii, Bindi Sciancati, Andree provincialis, domini Iacobi de Sancto Miniate, iudicis Ugolini de Ripafracta, et Benencase gemme ancianorium Pisani populi facimus constituimus et ordinamus prudentem virum Rainerium Sampantem iurisperitum presentem et suscipientem nostrum et comunis Pisani et hominum Pisanorum et districtualium sindicum actorem et procuratorem et certum nuncium, ad pacem iniendam et faciendam dante domino cum comuni Ianue et hominibus Ianue, seu sindico dicti comunis Ianue dicto nomine sive pro comuni Ianue et hominibus Ianue et districtus de omnibus et singulis discordiis differentiis dissentionibus guerra et guerris litibus et discordiis habitis et factis et dampnis datis et rebus ablatis quocumque modo ex quacumque causa inter comune Ianue et Ianuenses et quoscumque alios qui Ian. nomine appellantur in quibuscumque locis ex una parte, et comune Pisarum et Pisanos et quoscumque alios qui Pisanorum nomine appellantur in quibuscumque locis ex alia parte. Et ad pacta conventiones obligationes liberationes assolutiones et remissiones faciendum in predictis et super predictis et circa predicta et quolibet predictorum et quibuscumque aliis. Et ad depositum et deposita faciendum et ad dandum et tradendum et consignandum castra terras et loca iurisdiciones redditus et proventus castrorum et terrarum et locorum ipsorum de quibus videbitur ipsi sindico. Et etiam ad omnia et singula facienda gerenda et explicanda nomine comunis Pisani, et ad se nomine comunis Pisani et ipsum comune obligandum dicto comuni Ianue seu eius sindico pro ipso comuni Ianue et nomine ipsius de omnibus et singulis de quibus in contractu quodam super dicta pace inienda facto et sigillato sigillo comunis Ianue et quorundam aliorum et deposito penes fratrem Azonem de Papia priorem fratrum Predicatorum Ianue et fratrem Franciscum Porcellum guardianum Fratrum Minorum conventus Ianue continetur seu scriptum est. Quod de ipsis vel eorum occasione promissiones pacta et conventiones vel obligationes vel alia que fieri debeant vel fiant per dictum comune Pisarum seu eius sindico ac etiam omnia alia. Et ad faciendum quascumque iurium cessiones secundum quod eidem sindico videbitur circa quascumque personas et loca in quibuscumque rebus locis et personis. Et ad faciendum quascumque promissiones et obligationes pacta et conventiones de ipsis et de aliis quibuscumque tradendis dandis et consignandis ipsi comuni Ianue vel sindico dicti comunis Ianue pro dicto comuni. Et possessionem ipsorum et cuiuslibet ipsorum tredendum et dandum ipsi comuni Ianue vel eius sindico nomine ipsius comunis Ianue et ad faciendum quascumque promissiones et obligationes de predictis faciendis tenendis et observandis in perpetuum et de contra non faciendo vel veniendo et ad iurandum in animas et super animas nostras potestarie et capitanei nomine ut dictum est, et omnium Pisanorum predicta omnia et singula firma habere et tenere. Et faciendum quamcumque cautelam et securitatem prout et sicut videbitur ipsi sindico et ad ipsam pacem et concordiam recipiendum a comuni Ianue et Ianuensibus vel sindico comunis Ianue nomine comunis Ianue et pacta et conventiones et quascumque obligationes et remissiones et liberationes faciendum et recipiendum concedentes podestarie et capitanie nomine et nomine dicti comunis Pisani et Pisanorum et districtualium Pisanorum dicto sindico nostro actori et procuratori plenum et speciale et generale mandatum atque liberam et generalem administrationem in predictis et circa predicta, et quod in quibuscumque aliis de quibus ei videbitur, et que nos ipsemet pro comuni Pisano facere possumus et intelligantur esse concessa tam specialiter quam generaliter ea omnia et singula que in generali et speciali mandato requiruntur et exiguntur et que specialiter concedi deberent et ea omnia que negociorum merita postulant vel requirunt promittentes potestarie et capitanie nomine pro comuni Pisano ut supra dictum est tibi Nocho de avene notario scribe publico cancellario Pisani comunis stipulanti nomine et vice comunis Ianue et districtualium et cuiuscumque intererit ratum et firmum habere et tenere facere et observare totum et quicquid et ea omnia et singula que per dictum sindicum facta ordinata et promissa fuerint in predictis et circa predicta seu aliquo predictorum et quibuscumque aliis et contra non venire vel facere per se vel per alios aliquo modo vel iure sub hipotheca et obligatione bonorum predicti comunis Pisani et hominum Pisanorum et districtualium. Actum Pisis super balatorio quod est supra domum Iohannis Garfagnini prope ecclesiam Sancti Ambrosii presentibus domino Lambertuccio domino Buiamunte vicecomite domino Marzucho papa domino Rainerio Zanio Iohanne de Curte et Ricciardo Ingardi testibus ad hec vocatis dominice incarnationis anno millesimo ducentesimo octuagesimo nono indictione prima nonis aprilis.
Ego Gerardus filius quondam Henrici notarii de vico imperatorie dignitatis notarius et nunc cancellarie Pisani comunis scriba publicus predicta omnia ut in actis cancellarie predicte inveni ita scripsi et in pubblicam formam redegi.
Ego Rollandinus de Richardo sacri palatii notarius hoc instrumentum extraxi et exemplavi ex autentico instrumento scripto manu dicti Gerardi notarii sicut in eo vidi et legi nihil addito vel diminuto nisi forte littera vel sillaba titulo seu puncto abbreviationis causa sententia non mutata de mandato tamen domini Danii de Osenaygo civitatis Ianue potestatis presentibus testibus Iohanne Bonihominis Loysio Calvo cancellariis comunis Ianue et Iacobo de Albario notario M.° CCC.°I.° indictione XIII. die XX. iunii.