Alessandro, Legato Pontificio in Sardegna, proibisce sotto pena di scomunica a qualunque giudice, o notaio di redigere, senza suo consenso e licenza, carte o istrumenti relativi ai colloquii e convenzioni già seguite, o che fossero per seguire tra lui, e Ubaldo e Adelasia sovrani di Torres, e di Gallura.

(1237, 3 marzo).

Dal Muratori, Antiq. Ital., Tom. VI. Dissert. LXXI.

In nomine Domini amen. Anno Domini millesimo ducentesimo trigesimo septimo, indictione XI. tempore domini Gregorii Papae IX anno undecimo, tertia die exeunte mense martii. In praesentia dominorum Gisarcliensis, et Empuriensis Episcoporum, mei Gregorii sacrosanctae Romanae Ecclesiae Scriniarii, et subscriptorum testium, Magister Alexander Capellanus domini Papae, Apostolicae Sedis Legatus, eo die et hora, quo vel qua dominus Hubaldus Iudex Gallurensis et Turritanus, et domina Adelasia Regina Gallurensis et Turritana iuraverunt stare mandato et mandatis domini Papae et Ecclesiae Romanae, et eiusdem magistri Alexandri Apostolicae Sedis Legati, et praestiterunt iuramentum fidelitatis domino Papae et Ecclesiae Romanae, excomunicavit publice, ne quis notarius vel iudex de omnibus verbis sive tractatibus, quae habebat, sive habiturus erat cum eodem domino Hubaldo iudice Turritano et Gallurensi, et domina Adelasia uxore sua, faceret chartam aliquam, sive publicum instrumentum, absque eius mandato et licentia speciali.

Actum in palatio Arderae coram subscriptis testibus videlicet domno… Abbate de Falasia, domno… Abbate de Saccaria… Priore di Gisarclo, Fratre Orlando Monacho de Saccaria, Benedicto, et Magistro Benencasa, Clericis domini Legati supradicti.

Ego Gregorius, sacrosanctae Romanae Ecclesiae Scriniarius etc.

Et ego Nicolaus Ferentinus etc.