Ubaldo giudice di Gallura e di Torres, e Pietro II giudice di Arborea fanno atto di compromesso, ed eleggono arbitro delle questioni fra loro vertenti Alessandro Legato Pontificio in Sardegna.

(1237, 2 aprile).

Dal Muratori, Antiq. Ital., Tom. VI. Dissert. LXXI.

In nomine Domini nostri Iesu Christi. Hoc est exemplum etc.

In nomine Domini: Amen. Anno Domini millesimo ducentesimo trigesimo septimo, indictione XI. tempore domini Gregorii IX Papae anno XI. secunda die exeunte mensis aprilis. Pateat omnibus manifeste, quod dominus Hubaldus Iudex Gallurensis, et Turritanus, et dominus Petrus Judex Arboreae, de omnibbus litibus et controversiis, quae vertebantur inter eos praestito iuramento hinc inde, et poena duodecim millium marcarum apposita, compromiserunt in Magistrum Alexandrum Capellanum et Legatum Apostolicae Sedis, et promiserunt observare quicquid praedictus Magister Alexander inter eos duceret arbitrandum vel statuendum.

Actum in confinio iudicatus Turritani, et Arboreae, in loco, qui dicitur Lucentinus, coram subscriptis testibus, videlicet… Episcopo Empuriensi, Petro Episcopo Sanctae Iustae… Episcopo Bosanensi… Abbate de Saccaria, Lamberto Abbate de Falesia, Nicolao Priore de Bonarcanto… Priore Gisarcliensi, Magistro Benencasa, Benedicto Clerico de Alatro, Truffa, Ildece, Bartholomeo, et Guantino, et aliis multis clericis et laicis.

Ego Gregorius, sacrosanctae Romanae Ecclesiae Scriniarius, de mandato dicti Legati et voluntate partium.hoc instrumentum scripsi etc.

Et ego Nicolaus Ferentinus, sanctae Romanae Ecclesiae Scriniarius etc.