Benedetto, chierico di Santo Stefano di Alatri, nella qualità di procuratore speciale di Alessandro Legato Pontificio, consegna all’arcivescovo di Arborea  il castello di Girapala, acciò lo ritenga e custodisca a nome della Chiesa Romana, proibendogli di rimetterlo in potere di chicchessia, fuorché di chi gli sarà ordinato dal Papa.

(1237, 7 aprile).

Dal Muratori, Antiq. Ital., Tom. VI. Dissert. LXXI.

In nomine Domini Iesu Christi. Hoc est exemplum cuiusdam publici instrumenti, huius tenoris.

In nomine Domini. Amen. Anno Domini millesimo ducentesimo trigesimo septimo, indictione XI. tempore domini Gregorii IX. Papae anno undecimo, VII die exeunte mense aprili. Pateat omnibus manifeste, quod in praesentia mei Gregorii Sacrosanctae Romanae Ecclesiae Scriniarii, Magister Alexander Capellanus et Legatus Apostolicae Sedis, assignavit et dedit per domnum Benedictum Clericum Sancti Stephani de Alatro, procuratorem suum ad hoc constitutum, sicut continetur in publico instrumento a me ipso confecto, castrum quod dicitur Girapala domino Trogodorio Archiepiscopo Arborensi, ad tenendum et custodiendum pro ipsa Ecclesia Romana, et domino Gregorio Papa, eiusque successoribus canonice intrantibus, et nulli alii resignandum, nisi cui Summus Pontifex mandaverit resignari. Et ipsum fecit mitti in corporalem possessionem dicti castri per supradictum dominum Benedictum, claves ipsius castri eidem archiepiscopo concedendo.

Actum in castro Girapalae, coram subscriptis testibus, videlicet Lamberto Abbate de Falesia, Magistro Benencasa, Offredone familiare domini Raynerii Cardinalis, Thomasio familiare domini Stephani Cardinalis, Negotiante et Petruccio Cursoribus domini Papae, Conio de Verulis… Archipresbytero, et Magistro Roberto Canonico Arborensi, et multis aliis clericis et laicis.

Ego Gregorius, sacrosanctae Romanae Ecclesiae Scriniarius, de mandato Trogodorii Archiepiscopi Arborensis, hoc instrumentum scripsi, et complevi, meoque signo signavi, et in publicam formam redegi.

Et ego Nicolaus Ferentinus etc.