Pietro II giudice di Arborea promette di obbedire ai Romani Pontefici, di non contrarre senza loro licenza vincoli di consanguineità, o di affinità, e di pagare alla Chiesa Romana l’annuo censo di mille e cento bisanti d’oro nel giorno della festività di S. Pietro Apostolo.

(1237, 12 maggio).

Dal Muratori, Antiq. Ital., Tom. VI. Dissert. LXXI.

In nomine Domini nostri Iesu Christi. Hoc est exemplum etc.

In nomine Domini, amen. Anno Domini millesimo ducentesimo trigesimo septimo, indictione XI. tempore domini Gregorii IX. Papae, anno XI. duodecima die intrante mensis maji. Pateat omnibus manifeste, quod Magister Alexander Capellanus et Legatus Apostolicae Sedis praecepit domino Petro Iudici Arboreae, sub debito illius iuramenti, quo tenetur de parendo omnibus mandatis domini Papae, et Ecclesiae Romanae, et ipsius Legati, et sub debito iuramenti prestiti fidelitatis Ecclesiae Romanae, quod de cetero non contrahat aliquam consanguinitatem vel affinitatem cum aliquo vel aliqua absque mandato et licentia Sedis Apostolicae speciali. Quibus ipse sponte consensit, et obligavit et promisit se facturum. Praeterea praecepit idem Legatus praedicto Petro iudici, ut quolibet anno, in festo Beati Petri, censum Ecclesiae Romanae debitum, videlicet mille et centum bisantios aureos solvat Archiepiscopo Arborensi nomine Romanae Ecclesiae, si Nuntius Ecclesiae Romanae praesens non esset.

Actum apud Bonarcantum coram subscriptis testibus, videlicet Trogodorio Archiepiscopo Arboreensi, Petro Episcopo Sanctae Iustae, Guantino Episcopo Terralbensi, Iohanne Episcopo Usellensi, Nicolao Priore de Bonarcanto, Magistro Benencasa Canonico Sancti Michaëlis Lucensis, et domino Guantino.

Ego Gregorius, sacrosanctae Romanae Ecclesiae Scriniarius, iis omnibus interfui, et de mandato Magistri Alexandri Capellani et Legati Apostolicae Sedis, scripsi etc.

Et ego Nicolaus Ferentinus, sanctae Romanae Ecclesiae Scriniarius etc.