Il Pontefice Innocenzo IV riceve sotto il patrocinio della Sedia Apostolica le chiese e i monisteri, che l’Ordine di Camaldoli possedeva in Sardegna.
(1252, 29 novembre).
Dal Mittarelli, e Costadoni, Annal. Camald., Append. al Tom. V. col. 47 e seg.
Innocentius episcopus servus servorum Dei dilectis filiis… priori Camaldulensi, eiusque fratribus tam presentibus quam futuris regularem vitam professis in perpetuum. Officii nostri nos admonet et invitat auctoritas pro ecclesiarum statu satagere, et earum quieti et tranquillitati salubriter auxiliante Domino providere. Dignum namque et honestati conveniens esse dignoscitur, ut qui ad earum regimen Domino disponente assumpti sumus, eos et a pravorum hominum incursibus tueamur, et beati Petri atque apostolicae sedis patrocinio muniamus. Eapropter, dilecti in Domino filii vestris iustis postulationibus clementer annuimus, et fel. memoriae Paschalis, Eugenii, Anastasii, Adriani, Alexandri, Clementis, Innocentii, et Gregorii predecessorum nostrorum Romanorum Pontificum vestigiis inherentes precipimus, et presentis decreti auctoritate sancimus, ne cuiquam omnino persone clerico, monacho, laico cuiuscumque ordinis aut dignitatis presentibus aut futuris temporibus liceat congregationes illas et loca illa, que Camaldulensis eremi sive cenobii disciplinam et ordinem susceperunt, aut sunt in posterum suscepture, queque hodie sub illius regimine continentur, ab eius ullo modo subiectione et unitate dividere. Que videlicet loca et congregationes conservande unitatis gratia singularibus visa sunt vocabulis annotanda. etc…
In insula Sardinie monasterium Sancte Trinitatis de Sacraria cum omnibus pertinentiis suis; Sancte Eugenie in Samanar; Sancti Michaelis; Sancti Laurentii in Vanari; Sancte Marie; Sancti Iohannis in Altasar; Sancte Marie in Contra; Sancti Iohannis et Sancti Simeonis in Salvenaro; Sancti Nicolai de Trulla; Sancti Petri in Scanno; Sancti Pauli in Cotroniano; et Sancti Petri in Olim ecclesias cum omnibus pertinentiis earumdem. etc…
Decernimus ergo ut nulli omnino hominum etc. Si qua igitur etc. Cunctis autem etc. Amen.
Notas † fac mihi
SCS SCS
Petrus Paulus
Inno centius
PP IIIJ
Domine vias vite.
Ego Innocentius catholice ecclesie episcopus ss.
† Ego Rainaldus Ostiensis et Velletrensis episcopus ss.
Datum Perusii per manum Guillielmi magistri scholarum Parmen. Sancte Romane ecclesie vicecancellarii III kalend. decembris indictione XI. incarnationis Dominice anno M.CC.LII. pontificatus vero domini Innocentii pape IV. anno decimo.