Il Pontefice Alessandro IV conferma ai canonici della Cattedrale, e ai consoli del comune di Genova le terre, case, e dritti, che possedevano nei due giudicati di Cagliari, e di Arborea in Sardegna, e accorda ai medesimi per tale effetto la protezione della Sedia Apostolica.

(1254, 16 maggio).

Dai Regii Archivi di Corte di Torino, Lib. Iur. pag. 108.

Alexander Episcopus servus servorum Dei venerabili fratri He. archiepiscopo et dilectis filiis canonicis ac consulibus Ianuensibus salutem et apostolicam benedictionem Sacrosancta Romana Ecclesia singulorum merita consuevit et nota respicere, et racionabilium petentium desideriis benignum consensum et favorem prebere. Quapropter pro multis devotis et acceptis obsequiis, que beato Petro in nobis et fratribus nostris vos et tota civitas vestra liberaliter et spontanee impendistis, vobis nunc et omni tempore pro meritis cupientes terras cassas et iura que in Arborensi et Karolitano iudicatibus habetis vobis et ecclesie vestre auctoritate apostolica confirmamus, et presentis scripti patrocinio comunimus. Salvo in omnibus iure et auctoritate Romane Ecclesie.

Datum Lateranum XVII kalendas iunii. Rollandinus de Richardo sacri palatii notarius hoc exemplum extraxi et exemplavi ex autentico privilegio domini Pape Alexandri roborato bulla plumbea pendenti, ut moris est de consuetis bullis papalibus sicut in eo vidi et legi nichil addito vel diminuto, nisi forte littera vel sillaba titulo seu puncto abreviationis causa sententia non mutata; de mandato tamen domini Danij de Osenaygo civitatis Ianue potestatis. Presentibus testibus Iohanne boni hominis, Loysio Calvo cancellariis comunis Ianue, et Iacobo de Alborio notario millesimo tercentesimo primo, indicione decima tertia, die vigesima iunii.