Il Pontefice Gregorio IX accorda privilegio e protezione Apostolica alle chiese e monisteri, che l’Ordine di Camaldoli possedeva in Sardegna, e sono nella presente Bolla nominati.

(1227, 28 giugno).

Dal Mittarelli e Costadoni, Annal. Camald. Append. al Tom. IV. col. 460 e seg.

Gregorius Episcopus servus servorum Dei dilectis filiis…priori Camaldulensi eiusque fratribus tam presentibus, quam futuris regularem vitam professis in perpetuum. Offitii nostri nos admonet et invitat auctoritas etc. Eapropter dilecti in Domino filii vestris iustis postulationibus clementer annuimus, et predecessorum nostrorum fel. mem. Paschalis, Eugenii, Anastasii, Adriani, Alexandri, Clementis, Innocentii Romanorum Pontificum vestigiis inherentes precipimus, et presentis decreti auctoritate sancimus, ne cuiquam omnino persone clerico, monacho, laico cuiuscumque ordinis ac dignitatis presentibus aut futuris temporibus liceat congregationes illas et loca illa, que Camaldulensis eremi sive cenobii disciplinam ed ordinem susceperunt, aut sunt in posterum suscepture, queque hodie sub illius regimine continentur, ab eius ullo modo subiectione et unitate dividere. Que videlicet loca et congregationes conservandae unitatis gratia singularibus visa sunt vocabulis annotanda. etc…

In Insula Sardinie Monasterium Sancte Trinitatis de Sacaria, ecclesiam Sancte Eugenie in Samanar, ecclesiam Sancti Michaelis et Sancti Laurentii in Vanari, ecclesiam Sancte Marie et Sancti Iohannis in Altasar, ecclesiam Sancte Marie in Contra, ecclesiam Sancti Iohannis et Sancti Simeonis in Salvenero, ecclesiam Sancti Nicolai in Trulla, ecclesiam Sancti Petri in Scanno, ecclesiam Sancti Pauli in Controniano, ecclesiam Sancti Petri in Olim. etc…

Datum Anagnie per manum magistri Sinibaldi S. R. E. vicecancellarii IIII kal. iulii indictione XV. incarnationis Dominice anno M.CC.XXVII. pontificatus vero domini Gregorii pape IX. anno primo.