Simone Boccanegra Doge di Genova costituisce suo procuratore Rinaldo di Montaldo all’oggetto di compromettere sulle questioni della repubblica Genovese col re di Aragona, e di comparire intanto alla presenza di Giovanni marchese di Monferrato, per concertarsi cogli ambasciatori del sovrano aragonese sulla restituzione dei prigionieri, e sulla rifazione dei danni fatti e cagionati in occasione, e per causa di guerra, con facoltà eziandio di devenire ad atti di tregua, e di pace.

(1359, 22 marzo).

Dai Regj Archivj di Corte di Torino, Documenti. Genov. Serie 1.^a, Num. X.

Hoc est exemplum instrumenti sindicatus domini Leonardi de Montaldo jurisperiti sibi concessi et facti per dominum ducem ancianos et officiales guere civitatis Ianue pro dicto compromisso fiendo.

In nomine Domini amen. Magnifficus et excelsus dominus dominus Symon Buccanigra Dei gratia dux januensium et populi defensor in presentia consensu et voluntate infrascriptorum ancianorum seu conscilii et officialium (corroso…) guerre nec non ipsi anciani et officiales guerre autoritate et decreto dicti domini ducis et quorum ancianorum, qui presentibus interfuerunt nomina sunt hec Manuel de Casina prior Iacobus Carpanetus dominus Petrus de (corroso…) Iacobus de Francischis Iacobus de Ulmo, Nicholaus Salicetus, Lanfranchus Drizacorni, Nicolaus Oddonis Anthonius de Compagnono. Raphael Thome – Officialium vero guerre hec: Georgius Capellus prior (corr…) Nazalotus de Castro, Bartholomeus Rubeus Anthonius de Struppa. Confidentes de legalitate et prudencia discreti et sapientis viri domini Leonardi de Montaldo jurisperiti (corr…) presentis et presens mandatum in se sponte suscipientis. Nomine et vice comunis Ianue, et universorum januensium et qui pro januensibus in quacumque mondi parte se tractant et reputant, nec non nomine et vice quarumcumque civitatum terrarum et locorum ipsi comuni Ianue in quacumque mondi parte suppositorum seu etiam convencionatorum cum ipso comune nec non etiam quorumcumque comitum marchionum baronum (corr…) dominorum feudatariorum vassallorum seu etiam conventionatorum ipsius comunis seu cum ipso comuni ac quorumcumque valitorum coadiutorum adherentium et sequacium ipsius comunis – Eumdem dominum Leonardum fecerunt constituerunt et (corroso…) ordinaverunt sindicum actorem procuratorem ambaxiatorem et nuncium specialem et prout melius et abilius fieri poterit eumdem loco ipsius comunis et omnium superius expressorum possuerunt et esse voluerunt ad se conferendum et presentandum coram illustri principe et magniffico domino domino Iohanne Dei gratia marchione Montisferrati ac imperiali vicario ac quibuscumque comissariis, et auditoribus eiusdem, et cum dicto domino marchione et coram eo, cum ambaxadore seu ambaxatoribus illustris dominis regis Aragonum seu aliis quibuscumque personis ab eo potestatem habentibus tractandum, conveniendum ac firmandum et inhiendum cambia de omnibus et singulis januensibus nec non de terris locis et dominiis superius expressatis, et aliis quibuscumque sequacibus adherentibus et valitoribus comunis Ianue detemptis seu carceratis in quibuscumque mondi partibus in virtute seu potestate prefati domini regis Aragonum, seu etiam quarumcumque civitatum comunitatum seu universitatum baronum seu dominorum seu etiam quarumcumque singularium personarum sui regni, sive eidem quomodocumque mediate vel immediate supposite vel suppositorum seu eidem quomodocumque faventium vel etiam adherentium pro omnibus et singulis catalanis seu subditis vel districtualibus prefati domini regis seu etiam de quibuscumque terris locis seu dominiis ipsi domino regi suppositis seu etiam eidem complicibus valitoribus adherentibus et sequacibus in guerra vigenti inter ipsum dominum regem et gentes ipsius et comune Ianue sub illis pactis modis formis et tepnoribus de quibus ipsi sindico et procuratori videbitur expedire. Ac etiam ad tractandum inhiendum componendum et firmandum treuguam pacem et federa quecumque cum quibuscumque regibus,  principibus baronibus civitatibus comunitatibus seu universitatibus seu dominiis quibuscumque quocumque nomine censeatur et cuiuscumque generis conditionis et proheminentie sint, cum quibus comune Ianue ad presens habet vel in futurum haberet guerram disensionem odium rancorem seu malam voluntatem quamcumque – Nec non ad se conveniendum transigendum componendum et paciscendum de et super quibuscumque dapnis cedibus vulneribus robariis incendiis predistis violenciis et aliis iniuriis quibuscumque et cuiuscumque generis illatis hinc inde nec non ad ipsa dapna cedes vulnera predas rapinas et alia quecumque dapna iniurias et violencias ut supra remitendum et quietandum ac quietationem et remissionem nomine ipsius nomine ipsius comunis Ianue et omnium et singulorum predictorum recipiendam sub omnibus et singulis modis stipulationibus cautelis et formis de quibus eidem sindico et ambaxatori videbitur et placuerit. Ac etiam de ipsis, et super ipsis omnibus gueris questionibus dapnis cedibus predistis, robariis iniuriis odiis rancoribus et aliis iniuriis quibuscumque inter ipsum comune Ianue et omnes et singulos supradictos pro parte dicti comunis Ianue superius expressatos Et quemcumque regem baronem dominos comunitates universitates civitates seu loca vigentibus seu vertentibus ac aliis omnibus et singulis supradictos compromitendum et compromissum generale faciendum in quacumque persona ipsi nuncio et ambaxatori placuerit seu videbitur expedire cum omni potestate et baylia, et sub quibuscumque modis et formis tepnoribus penis promissionibus stipulationibus et cautelis que ipsi nuncio seu ambaxatori placuerint seu expedire videbuntur, et proinde et ocasione supradictos ipsum comune Ianue et bona ipsi obligandum ac etiam ipsa omnia et singula corporalibus juramentis nomine ipsius comunis firmandum et vallandum dantes et concedentes eidem sindico actori ambaxatori procuratori et nuncio speciali in predictis omnibus et singulis ac aliis quibuscumque dependentibus choerentibus emergentibus seu connexis predictis seu predictorum alicui plenam largam et liberam potestatem cum pleno libero et generali mandato et administratione bonorum comunis Ianue promittentes et iurantes corporaliter tactis scripturis ad sancta Dei evangelia mihi notario et canzellario infrascripto tamquam persone publice officio publico stipulanti et recipienti nomine et vice omnium et singularum personarum quarum interest intererit et in futurum poterit interesse se perpetuo habituros ratum gratum et firmum omne id et quidquid per ipsum sindicum nuncium seu procuratorem actum gestum tractatum firmatum seu procuratum fuerit in predictis et quolibet predictorum et contra ipsa nec ipsorum aliquod se perpetuo non facturos vel venturos aliqua occasione vel causa que dici vel excogitari possit, et sub ypotheca et obligatione omnium bonorum ipsius comunis habitorum et habendorum – Et  duret presens sindicatus et baylia usque ad menses duos proxime venturos. Actum Ianue in terratia palacii ducalis ubi conscilia celebrantur anno Dominice nativitatis millesimo tercentesimo quinquagesimo nono indictione undecima secundum cursum Ianue die vigesima secunda marcij inter terciam et nonam presentibus testibus ad hec vocatis et rogatis Lorino Morbiolo, Paulo Hosbergerio Iohanne Cantanio Lane Dominico de Rapallo notario. Conrado de Corvaria et Conrado de Mazurro notario et cancellario dicti domini ducis et comunis Ianue.

Ego Georgius Oddoardi de Clavaro imperiali auctoritate notarius et cancellarius magniffici domini ducis et comunis Ianue suprascriptis omnibus et singulis interfui rogatus scripsi et meum signum apposui consuetum.