Il re D. Pietro di Aragona conferma la concordia seguìta tra i Consoli di Marsiglia, e il Veghiere, e i consiglieri di Alghero per riguardo alle lettere di marca.

(1380, 27 settembre).

Dagli Archivj antichi della Città di Alghero.

Nos Petrus Dei gratia rex Aragonum, Valenciae, Maioricarum, Sardiniae, et Corsicae, comesque Barchinonae, Rossilionis, et Ceritaniae. Dilectis et universis fidelibus, et singulis officialibus iuris quovis nomine censeantur, eorumque locatenentibus ad quos praesentes pervenerint, presentibus et futuris, salutem et dilectionem. Cum perceperimus, quod ex convinecia facta inter vicarium consules et universitatem civitatis Massiliae ex parte una, et vicarium, consiliarios, et universitatem villae nostrae de Alguerio insulae Sardiniae ex altera, actum et conditum extitit. Quod cives, incolae vel habitatores dictae civitatis Massiliae, et eius vicarius, non pignorentur vel marchentur per vicarium, consules, vel habitatores villae Alguerij, pro marchis vel represaliis concessis vel concedendis per nos, contra illustrem Ioannam, Hierusalem et Siciliae reginam, consanguineam nostram, contra subditos et vassallos suos, et converso, quavis ratione vel causa, et nihil principi sit magis aequum, quam pacta inter partes facta servare. Propterea vobis dicimus et mandamus de certa scientia et expresse, quatenus quarumvis marcharum, seu represaliarum ratione, per nos vel vel alios quosvis vassallos vel subditos dictae reginae, venientes in dictam villam Alguerij, vel eius vicariam, non marchetis, vel aliquatenus pignoretis modo aliquo, sive causa, quavis concessione marchae, vel represaliae per curiam nostram, contra subditos et vassallos dictae reginae, ad quorumvis instantiam concessae, vel concedendae, nullatenus obsistente. Datum Ilerdae vigesima septima die septembris, anno a nativitate Domini, millesimo trecentesimo, octuagesimo.

Yarcis promo.