Ordini dati dal marchese Giovanni di Monferrato nella causa arbitramentale tra il re di Aragona, e la repubblica di Genova.

(1359, 6 luglio)

Dai Regi Archivj di Corte di Torino, Documenti Genovesi, Serie 1.^a, Num. XXIII.

Ordinatum est ut infra die sexto julii MCCCLVIIII.

Primo quod per utramque dictarum parcium et omnes et singulos subditos ipsarum parcium cessetur ab omnibus offensis tam per mare quam per terram sicut ordinatum est.

Item quod ambaxatores domini regis Aragonum procurabunt et effectu aliter facient cum eodem domino rege, quod omnes et singuli januenses carcerati in terris potentia et virtute dicti domini regis, libere a carceribus rellaxentur, et libere consignentur et tradantur illi persone vel personis quam vel quas pro ipsis carceratis januensibus recipiendis mittet dominus dux Ianue, et quando illa persona vel ille persone quam vel quas ipse dominus dux mittet ad dictam consignationem recipiendam scripserit dicto domino duci conscignationem ipsam ei factam fuisse, ipse dominus dux habita notitia per litteras de ipsorum carceratorum rellaxatione teneatur facere rellaxari confestim omnes carceratos catalanos et alios qui pro servicio dicti domini regis tam in Ianua quam alibi sub eius districtu carcerati existunt.

Item quod omnes dicti carcerati tam januensem quam catalani consignentur in Ast coram domino marchione, et quod cuilibet ipsorum carceratorum detur juramentum de se presentando in Ast coram ipso domino marchione et domina marchionissa exceptis dumtaxat infirmis qui venire non possent.

Item quod dicti ambaxatores dicti domini regis dent litteras fidancie personis ituris ex parte dicti domini ducis in Cataloniam pro consignatione dictorum carceratorum recipienda ne eis offendatur in persona vel rebus suis.

Item quod omnes obligationes et incartamenta facta per carceratos januenses quibuslibet catalanis vel subditis dicti domini regis annullentur et revocentur prout alias extitit ordinatum, et quod comunitates regnorum et terrarum dicti domini regis, videlicet Aragone, Valencie, Maioricarum et Catalonie et aliorum locorum et terrarum dicti domini regis, istud complere teneantur et facere contentando illas quibus facte sunt dicte obligationes et incartamenta, vel aliter faciendo prout voluerint dummodo annullatio fiat de ipsis incartamentis, et dicti januenses liberentur a dictis obligationibus et incartamentis, et istud incontinenti facere exequi teneatur dominus rex predictus, et idem faciat dominus dux et comune Ianue de incartamentis factis per carceratos catalanos, et hoc de facto omnino et incontinenti exequatur ne rellaxatio carceratorum ob id si obmittetur aliqualiter impediatur, et ad hec facienda dictus dominus rex intelligatur et sit obligatus. Quamcumque ad annullationem obligationum si que facte fuerint in regno Francie vel terris aliorum regum non videtur fieri posse incontinenti sed fiat quitatio per creditores ut solepniter fieri poterit ad utilitatem obligationum.

Item quod omnia dapna que data vel illata fuerint post tempora ordinata et postquam offensiones cessare debuerint, emendentur receptis probationibus, per illum cui comittet dominus marchio in Ianua et Barchilonia et satisfactio fiat in Ianua januensibus et subditis domini regis predicti in Barchilonia.

Item quod dictus dominus rex de novo litteras scribi et mandari faciat quod cessetur ab omnibus offensis januensibus, et quod ab exeuntibus de terris suis recipiantur securitates, et eis precipiatur quod sub pena hominis et personarum cessent a dictis offensis, et idem faciat dominus dux Ianue de districtualibus suis.

Item quod sub eadem pena scribatur gubernatoribus Calleri et Largherii quod non riceptent aliquos offendentes et quod si contingeret aliquos venientes de Sicilia vel alia mondi parte cepisse vel capere, et ibi redducere aliquos januenses vel ligna vel res suas, quod persone ipsorum januensium per eos libertati tradantur, et eorum res retinenantur et ipsis januensibus libere restituantur, et ulterius ab eis qui fecissent dictam captionem accipiantur antequam abiri permictantur securitates de non ulterius offendendo; Et e converso fiat per dominum ducem et comune Ianue de quibuscumque qui intulerint dapnum subditis et districtualibus dicti domini regis, et reperti fuerint sub districtu eiusdem domini ducis, et habeat locum presens clausula sive capitulum in quibuscumque piratis et incursantibus maria causa prede, et non in illis qui guerram palam haberent cum aliqua parcium predictarum.

Item quod ratifficationes firmissime fiant super compromisso per dominum regem et dominum ducem predictos, et quod per eosdem mittantur dicto domino marchioni.

Item quod factum securitatum pacis fiendarum coram domino papa videlicet quo ordine et quo tempore fieri debeant, ut secreta teneantur omnia supradicta, rellinquatur dispositioni dicti domini ducis Ianue et nichilominnus fiat prius ratifficato dicti domini regis, et domini ducis, et rellaxatio carceratorum ut supra dictum est.

Item quod predicta vel aliquod predictorum non intelligantur nec sint in aliquo innovata mutata variata vel in aliquo diminuta aliqua que inter ipsos ambaxatores hactenus facta sint vel eis in aliquo derogatum, sed in presentibus clausulis intelligantur exceptata omnia que in aliis ordinationibus exceptata fuerunt, et intelligantur presentialiter ordinata se referre ad illa et ad corroborationem et fortificationem illorum que hactenus ordinata sunt.