Il Doge di Genova costituisce suoi procuratori Enrico giusperito, Pambello di Casale, e Gabriele Adorso, per trattare con Giovanni marchese di Monferrato delle loro controversie col re di Aragona.

(1360, 27 febbraio).

Dai Regj Archivi di Corte di Torino, Documenti Genovesi, Serie 1.^a, Num. XIX.

Anno Domini millesimo tricentesimo sexagessimo die XXIII.^a marcii dominus Franciscus de Henrico jurisperitus et Gabriel Adurnus sindici et sindicario nomine domini ducis et comunis Ianue produxerunt coram domino marchione arbitro etc. instrumentum eorum sindicatus et baylie cuius tenor talis est.

In nomine Domini amen. Magnifficus et excelsus dominus dominus Symonis Bucanigra Dei gratia dux januensium et populi defensor imperialis vicarius etc. et amiratus generalis in presencia consilio consensu et voluntate sui consilij ancianorum seu duodecim sapientum in et legiptimo numero congregatorum ut moris est, ac ipsius conscilii ancianorum auctoritate et decreto eiusdem domini ducis etc. Et quorum ancianorum qui infrascriptis interfuerunt, et qui omnes consenserunt nomine et cognomine sunt hec: Bernabos de Primentorio prior, Antoninus de Virciano, Thomas Marchius, Nicholaus domini Levantini, Franciscus de Banacorda, Anthonius medicus, Iohannes Henrici, Hugolinus de Sexto, et Iohannes de Olina. Ex omni potestate et baylia prefato domini duci etc. et conscilio quomodocumque et qualitercumque attributa simul et divissim que omnino est tota illa, quam ipsum comune Ianue habet, et omni modo jure et forma quibus melius potuerunt et possunt de legalitate sufficientia et bonitate venerabilium et discretorum virorum domini Francisci de Henrico jurisperiti, Pambelli de Casali, et Gabrielis Adurni civium januensium presentium et presens mandatum in se sponte suscipientum plene confessi nomine et vice dicti comunis Ianue et universorum januensium et districtualium Ianue, et qui pro januensibus in quacumque mundi parte se tractant et reputant nec non etiam nomine et vice quarumcumque universitatum collegiorum civitatum terrarum et locorum ipsi comuni Ianue in quacumque mundi parte supositorum seu etiam convencionatorum cum ipso comuni ac etiam quorumcumque comitum marchionum baronum seu etiam dominorum feudatariorum vassallorum seu convencionatorum cum ipso comuni. Et demum quorumcumque vallitorum coadjuctorum complicium fauctorum et sequacium ac adherentium ipsius comunis. Eosdem dominos Henricum Pambellum et Gabrielem et duos ex eis alio tercio absente vel infirmante vel interesse non valente, ita quod etiam quicquid ipsi tres inceperint reliqui quo dictis casibus seu aliquo ex eis possint prosequi et finire non propterea revocantes alios procuratores seu sindicos ad consilia hactenus constitutos fecerunt constituerunt creaverunt, et ordinaverunt eorum et dicti comunis et predictorum ut supra sindicos actores procuratores ambaxatores et nuncios speciales et prout melius et habilius fieri poterit. Eosdem et duos ex eis ut supra loco ipsius comunis, et omnium superius expressorum ponentes et esse volentes ad se conferendum et presentandum coram illustri principe et magniffico domino, domino Iohanne marchione Montisferrati, imperiali vicario etc. ac quibuscumque commissariis, et auditoribus eiusdem, et cum dicto domino marchione et coram eo vel aliter cum ambaxatoribus illustris domini regis Aragonum Maioricarum etc. seu aliis quibuscumque personis ab eo potestatem habentibus tractandum conveniendum firmandum et finiendum ac componendum pacem treuguam convenciones et federa quecumque de et super omnibus et singulis guerra odio rancore malvoluntate jniuriis predis robariis dapnis vulneribus cedibus incendiis offensionibus realibus et personalibus, castrorum et locorum invaxionibus, et cuiuscumque alterius generis violenciis et rapinis ac questionibus que hactenus fuerunt et intervenerunt quoquomodo simul et divissim ini quacumque mundi parte inter ipsum dominum regem Aragonum etc. seu subditos vel regnicolas et sequaces ipsius ex una parte, et prefatos dominum ducem consilium et comune Ianue districtuales conventionatos subditos complices valitores et feudatarios, ac quomodocumque, et qualitercumque coadiutores ipsius ex altera parte vel e converso, et de ipsis omnibus et singulis questionibus dapnis iniuriis violenciis predis robariis rapinis cedibus et vulneribus et offensionibus quibuscumque finem remissionem quitanciam liberationem et pacta quelibet faciendum de quibus et prout dictis ambaxatoribus nunciis et procuratoribus vel duobus ex eis ut supra videbitur et placuerit utilius et commodius ac possibilius faciendum. Et ad predicta omnia et singula faciendum sub illis pactis modis et formis stipulationibus penis juramentis obligationibus solepnitatibus et cautelis quibus dicti ambaxatores procuratores et nuncii vel duo ex eis ut supra melius facere poterint seu de quibus melius videbitur et placuerit predictis tribus vel duobus ex eis in aliquo casuum predictorum, et ad audiendum omnes sententias lauda arbitria et arbitramenta dicta precepta vel pronunciationes, et quelibet alia quas vel que predictus illustris et magnifficus dominus Iohannes in futurum facere vel proferre voluerit vigore eiusdem compromissi in eum facti anno proxime preterito per dictum illustrem dominum dominum regem Aragonum Maioricarum etc. seu ambaxatores et procuratores eius ex una parte et dictum dominum ducem et tunc consilium ancianorum et officium guerre pro ipso comuni seu ambaxatore et procuratore seu actore dicti comunis Ianue ex altera de quo compromisso constat publicum instrumentum scriptum manu Stibioti Stibii notarii anno de MCCCLVIII die VIIII.^a aprilis, et ad ipsa etiam prolata seu proferenda ut supra ratifficandum et emologandum et emologari videndum quatenus eisdem videbitur et sub illis pactis modis et formis de quibus eisdem videbitur, et in illis et ante illa et eorum occasione coram dicto domino Iohanne marchione ut supra procedendum proponendum et prosequendum occasione contentorum in dicto compromisso et in eis, et demum omnia et singula faciendum in premissis et circa ea, et eorum occasione de quibus eisdem vel duobus ex eis predictis casibus vel aliquo ex eis videbitur et voluerit et ad tradendum domino Iohanni et in virtutem suam omnia loca terras et castra comunis Ianue vel in quibus jus seu possessionem habeat de quibus eidem domino Iohanni videbitur et pronunciare voluerit ponenda et constituenda esse in virtutem eiusdem pro securitate et executione pronunciandorum vel aliter obligandum dictum dominum ducem et comune Ianue realiter et personaliter prout placebit dicto domino marchioni seu prout ipse dominus marchio duxerit ordinandum vel aliter et in omnibus et per omnia prout eidem videbitur, seu prout pronunciatum dictum preceptum et laudatum in futurum fuerit per ipsum dominum arbitrum et arbitratorem ut supra est dictum ad se dicto nomine etiam de novo, si eis videbitur, compromitendum et compromissum generale faciendum de omnibus et singulis supradictis et etiam contentis in compromisso predicto et coherentibus et connexis vel dependentibus ab eis in prefatum dominum Iohannem cum omni potestate et baylia, et sub quibuscumque modis pactis formis tepnoribus penis promissionibus et juramentis stipulationibus et cautelis que dictis sindicis nunciis et ambaxatoribus ut supra placuerit et expedire utiliter videbuntur et etiam ad dictum primum compromissum prorogandum si et quatenus eis videbitur, et sub illis modis pactis et formis, cautelis juramentis obligationibus et solepnitatibus, de quibus eisdem videbitur et placuerit. Et generaliter ad faciendum in premissis omnibus et singulis et circa ea et dependentibus et connexis ab eis et ipsorum occasione quicquid eisdem videbitur et placuerit, et quicquid ipsum comune facere posset si presencialiter interesset et quicquid merita predictorum tam in judicialibus quam extra judicialibus exigunt et requirunt, et proinde ac occasione supradictis ipsum comune Ianue et bona ipsius obligandum ac etiam omnia et singula corporalibus juramentis nomine ipsius comunis ut supra gesta et gerenda componenda paciscenda tractanda ordinanda et firmanda per eos vel duos ex eis validandum et roborandum. Dantes et concedentes dictis nominibus dictis sindicis nunciis et ambaxatoribus et duobus ex eis ut supra in predictis omnibus et singulis; ac aliis quibuscumque dependentibus coherentibus emergentibus, seu connexis predictis vel alicui predictorum plenam largam et liberam potestatem cum pleno libero et generali mandato et administratione bonorum comunis Ianue, ac etiam speciali in casu quo speciale esset quomodolibet opportunum, promitentes et jurantes corporaliter tactis scripturis ad sancta Dei evangelia mihi notario et canzellario infrascripto tamquam publice persone officio publico stipulanti et recipienti nomine et vice omnium quorum interest intererit seu interesse poterit se suo et dictis nominibus perpetuo habituros ratum gratum et firmum omne id et quicquid per ipsos sindicos ambaxatores et nuncios actum gestum tractatum compossitum firmatum seu procuratum fuerit in predictis et quolibet predictorum et contra ipsa vel ipsorum aliquod se dictis nominibus ullo tempore non facturos vel venturos aliqua occasione vel causa que dici vel excogitari possit sub ypotheca et obligatione bonorum ipsius comunis Ianue habitorum et habendorum. Actum Ianue in terracia palatii ducalis anno Dominice nativitatis millesimo CCC.° sexagesimo, indictione duodecima secundum cursum Ianue die XXVII.^a  februarii inter terciam et nonam presentibus testibus ad hec vocatis et rogatis Petro de Reza, Raphaelle de Guasco et Conrado Mazurro notario et canzellario dicti domini ducis et comunis Ianue.

Ego Georgius Oddoardi de Clavaro imperiali auctoritate notarius et canzellarius prefati magniffici domini ducis et comunis Ianue suprascriptis omnibus et singulis interfui rogatus scripsi meumque signum apossui consuetum in testimonium premissorum.